क्रिकेटर सन्दीप लामिछानेको मुद्दामा आज पनि पेसी

२३ वैशाख, काठमाडौं ।  नेपाली राष्ट्रिय क्रिकेट टोलीका पूर्व कप्तान सन्दीप लामिछानेमाथिको बलात्कार सम्बन्धी मुद्दामा आज पेसी तोकिएको छ ।

जिल्ला अदालतको फैसलाविरुद्ध गरेको पुनरावेदनमा आज उच्च अदालत पाटनमा सुनुवाइ हुन लागेको हो । यसअघि पटकपटक धकेलिएको मुद्दाको पेशी आजलाई सारेको थियो ।

सन्दीपले टी २० विश्वकपमा स्थान बनाउनका निम्ति आज सुनुवाई हुनु निकै महत्वपूर्ण छ । यदि चाँडै फैसला आएर सन्दीपले सफाइ पाएमा उनी विश्वकप टीममा समेटिन सक्नेछन् । विश्वकप हेरफेर गर्ने डेडलाइन आउँदो २५ तारेखसम्म छ ।