चाँदीका गहनासहित एक जना पक्राउ

२४ वैशाख, काठमाडौं । पर्सा प्रहरीले चाँदीका गहनासहित एक जनालाई पक्राउ गरेको छ । भारत रक्सौलबाट वीरगञ्ज तर्फ आउँदै गरेको अवस्थामा चेकजाँच गर्ने क्रममा कम्मरमा रातो सेता रङको गम्छाले बाँधेको अवस्थामा २ केजी १७३ ग्राम चाँदीका गहनासहित प्रहरीले २० बर्षिय युवालाई पक्राउ गरेको हो । 

पक्राउ पर्नेमा बाराको फेटा गाउँपालिका वडा न ३ का रोशन सोनार रहेको प्रहरीले जनाएको छ । चाँदीसहित पक्राउ परेका सोनारलाई आवश्यक कारवाहीको लागि वीरगञ्ज भन्सार कार्यालय पर्सामा बुझाएको प्रहरी नायब उपरीक्षक कुमार विक्रम थापाले जानकारी दिए ।