संसद अधिवेशन अघि कांग्रेसका दुई बैठक, कस्तो आउँछ निर्णय ?
नेपालबहस संवाददाता
बैशाख २६, २०८१ बुधबार १०:४३:१
२६ वैशाख, काठमाडौं । नेपाली कांग्रेसले सरकारी ठगी प्रकरणमा सरकारका उपप्रधान तथा गृहमन्त्री रवि लामिछाने जोडिएको विषयलाई मुख्य आधार बनाएर देशभरका सहकारी ठगीबारे अनुसन्धान र छानबिन गर्न संसदीय छानबिन समिति बनाउनुपर्ने माग राखेर संसदको हिउँदे अधिवेशनमै लगातार आवज उठाएको थियो । यो माग अहिले पनि जारी नै छ ।
प्रतिनिधि सभाको अर्को बैठकमा संसदीय समिति बनाएको घोषणा सरकारले नगरे संसद बैठक चल्न नदिने अडान कांग्रेसले राखेकै कारण सरकारले समय नपुग्दै अधिवेशन अन्त्य गरेको थियो । अब पर्सि २८ गते संसदको बर्खे अधिवेशन बोलाइएको छ । समिति गठन नगरेसम्म संसद चल्न नदिने अडान कांग्रेसको कायमै छ ।
कांग्रेसको मागलाई लिएर सभामुख देवराज घिमिरेले सबै दलका शीर्ष नेतालाई राखेर यसै विषय छलफल चलाए । तर, सहमति भएन । प्रधानमन्त्री पुष्पकमल दाहाल प्रचण्ड समिति बनाउन सकारात्मक देखिए पनि सत्ता समीकरणको ठूलो दल नेकपा एमालेका अध्यक्ष केपी शर्मा ओली सकारात्मक छैनन् । उनले गृहमन्त्री रवि लामिछानेलाई समितिमा मुछ्न नसकिने भन्दै बचाउ गरिरहेका छन् ।
कांग्रेसका अनुसार २८ गते नेताहरूको सम्बोधनका लागि संसद् बैठक चल्न दिए पनि त्यसपछिको संसदीय कारवाही अगाडि बढाउन दिइने छैन । समिति नबने कांग्रेस नयाँ आर्थिक वर्षको बजेट नै संसदमा पेश गर्न नदिने रणनीति बनाउँदैछ । यसबारे छलफल गर्न आज बुधबार सभापति देउवाले बुढानिलकण्ठ निवासमा बैठक बोलाएका छन् ।
देउवाले पदाधिकारी र पूर्व पदाधिकारीको बैठक बोलाएका हुन् । बैठक दिउँसो २ बजे देउवा निवास बूढानीलकण्ठमा बस्नेछ । समसामयिक राजनीतिक परिस्थिति र २८ गतेदेखि सुरु हुने बजेट अधिवेशनका विषयमा छलफल गर्न बैठक बोलाइएको सभापति देउवाको सचिवालयले जनाएको छ ।
बजेट अधिवेशनमा कांग्रेसका सांसदहरूले उठाउने विषयबारे छलफल गर्न बिहीवार संसदीय दलको बैठकसमेत बोलाइएको छ । संसदीय दलको बैठक बिहीवार दिउँसो २ बजे बस्ने तय भएको छ । बर्खे अधिवेशन पनि भनिने बजेट अधिवेशनको पहिलो बैठक वैशाख २८ गते दिउँसो २ बजे संघीय संसद भवन नयाँ बानेश्वरमा बस्दै छ । त्यो बैठकलाई कांग्रेसका दुई बैठकले कसरी लिन्छ भन्ने कुरा यतिबेला सरकारले पनि चासोका रुपमा लिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसुदूरपश्चिम प्रदेशसभाः संसदीय दलका नेताको आधिकारिकतामा विवाद
जेठ १६, २०८१ बुधबार
महिलाले राष्ट्रको नेतृत्व लिन अग्रसर हुनुपर्छ : पूर्वराष्ट्रपति भण्डारी
जेठ १६, २०८१ बुधबार
आरोही भनेपछि आफ्नै परिवारको सदस्यजस्तो लाग्छ : प्रधानमन्त्री दाहाल
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
सशस्त्रमा आईजीपी अर्याल विरुद्ध मोर्चाबन्दी !
जेठ १६, २०८१ बुधबार
झापामा हुरीबतासले करोडौँको क्षति, विद्युत् आपूर्ति बन्द
जेठ १६, २०८१ बुधबार
दिल्लीको तापक्रम ४९.९ डिग्री सेल्सियस, पानीको अभाव हुन सक्ने चेतावनी
जेठ १६, २०८१ बुधबार
भीमफेदीमा कार दुर्घटना हुँदा ३ जनाको मृत्यु
जेठ १६, २०८१ बुधबार
सुदूरपश्चिम प्रदेशसभाः संसदीय दलका नेताको आधिकारिकतामा विवाद
जेठ १६, २०८१ बुधबार
महिलाले राष्ट्रको नेतृत्व लिन अग्रसर हुनुपर्छ : पूर्वराष्ट्रपति भण्डारी
जेठ १६, २०८१ बुधबार
१६ जिल्लाका सीडीओसहित गृहका २५ जना सहसचिवको सरुवा (सूचीसहित)
जेठ १६, २०८१ बुधबार
विकल पौडेललाई थुनामा पठाउने अदालतको आदेश
जेठ १६, २०८१ बुधबार
हाजिरी जमानीमा छुटे कैलाश सिरोहिया
जेठ १६, २०८१ बुधबार