एआईजीहरुले लगाए बढुवाको दर्ज्यानी चिह्न

३० वैशाख, काठमाडौं । डीआईजीबाट हालै एआईजीमा बढुवा भएका प्रहरी अतिरिक्त महानिरीक्षक द्वय उमेशराज जोशी र भीमप्रसाद ढकालले आइतबार दर्ज्यानी चिह्न पाएका छन् । यस्तै प्राविधिक प्रहरी नायव महानिरीक्षक द्वय डा. देउती गुरुङ र ई. नबिन्द अर्यालले पनि फुली लगाएका छन् । 

प्रहरी महानिरीक्षक बसन्त बहादुर कुँवरले प्रहरी प्रधान कार्यालयमा आयोजित विशेष समारोहबीच उनीहरूलाई दर्ज्यानी चिह्न प्रदान गरेका हुन् । मन्त्रिपरिषद्को  वैशाख २७ गतेको निर्णयअनुसार जोशी र ढकाल प्रहरी नायव महानिरीक्षकबाट प्रहरी अतिरिक्त महानिरीक्षक पदमा बढुवा भएका थिए ।

यसैगरी वैशाख २३ गतेको गृहमन्त्री स्तरको निर्णयअनुसार गुरुङ र अर्याल प्राविधिक प्रहरी वरिष्ठ उपरीक्षकबाट प्राविधिक प्रहरी नायव महानिरीक्षक पदमा बढुवा भएका थिए ।