सरकारलाई दिएको समर्थन फिर्ता लिने जसपा नेपालको निर्णय

काठमाडौँ । उपेन्द्र यादव नेतृत्वको जनता समाजवादी पार्टी नेपालले सरकारबाट समर्थन फिर्ता लिने निर्णय गरेको छ। आइतबार आकस्मिक रूपमा बसेको जसपा नेपाल कार्यकारिणी समितिको बैठकले सरकारबाट बाहिरिने निर्णय गरेको बैठकमा सहभागी एक नेताले बताए ।  

उनले भने, ‘मधेस प्रदेशमा जसरी माओवादी र एमालेले गरेका गरेका छन् । त्यसरी नै हामीले पनि केन्द्रमा निर्णय गरेका छौँ । सरकारबाट समर्थन फिर्ता लिने निर्णय भइसकेको छ।’   

यद्यपि बैठकको निर्णय भने सार्वजनिक गरिएको छैन । आजै मधेस प्रदेश सरकारबाट माओवादी र एमालेले समर्थन फिर्ता लिएको थियो ।