इतिहासकार एवं प्राज्ञ ज्ञानमणि नेपालको निधन

१ जेठ, काठमाडौं । इतिहासकार तथा प्राज्ञ ज्ञानमणि नेपालको मंगलबार निधन भएको छ । उनी लामो समयदेखि मुटुको रोगलगायत समस्या झेल्दै आएका थिए । मनमोहन कार्डिओभास्कुलर एण्ड ट्रान्सप्लान्ट सेन्टरमा उपचार चलिरहेको अवस्था निधन भएको हो । 

शुक्रबार उनलाई सिभिल अस्पतालबाट गंगालाल हुँदै मनमोहनमा भर्ना गरिएको थियो । नेपालको प्राचीन तथा मध्यकालीन इतिहासबारे गहिरो अध्ययन राख्ने नेपालको ९२ वर्षको उमेरमा निधन भएको हो । उनकी पत्नीको केही वर्षअघि नै निधन भइसकेको थियो । उनका दुई छोरा छन् ।