डिभी परेर अमेरिका जाँदै हुनुहुन्छ ? यसरी गर्नुस् सपना पुरा

९ जेठ, काठमाडौं । तपाई हामी सबैका आ-आफ्नै सपना हुन्छन्, तर ती सपना हरेक व्यक्ति अनुसार फरक हुन सक्छ । मान्छेका हजारौं सपना हुन्छन् । तीमध्ये एक हो – अमेरिकी सपना ! नेपालीलाई अमेरिका जान पाए अरु के चाहिन्थ्यो र ? स्वर्ग पुगेजस्तो !!

नेपाली मात्रै होइन, संसारका लागि अमेरिका एक सपनाको देश हो । भौतिक र आर्थिक उन्नतीमा मात्र माथि छैन, विज्ञान, व्यवस्थापन र अरु विविध विधामा पनि अमेरिका अग्रस्थानमा छ । विश्व शक्ति राष्ट्र पनि हो, अमेरिका । अमेरिकालाई दुस्मन ठान्नेदेखि प्रतिस्पर्धामा उत्रिएका विश्वका मुलुकहरूले अमेरिकाको अर्थतन्त्र र विकासलाई पछ्याइरहेका छन् । ती देशका नागरिकका लागि पनि अमेरिका सपनाको देश मानिन्छ ।

अमेरिका जान पाउनु एउटा सफलता मानिन्छ । त्यहाँ गएपछि काम र दाम दुवै हुन्छ । नाम पनि हुन्छ, अनि जीवन पनि सुरक्षित हुन्छ । त्यसैले अमेरिकी सपना बग्रेल्ती छ । तपाई हामीले देखेका र सुन्दै आएका पनि छौ, आफ्ना छोराछोरी वा आफन्त अमेरिकामा छन् भनेर सुनाउन पाउँदा समेत गर्व गर्छन् मान्छे । समाजको व्यवहार पनि अचम्मको । यहीँ केही गर्छु भनेर ऋण खोज्दा कसैले दिँदैनन् । पत्याउँदैनन् । तर, अमेरिका जान लागेको थाहा पाउनुपर्छ, पैसा मात्रै होइन छोरी नै दिन तँछाडमछाड हुन्छन् ।

अमेरिका प्रायः सबैको ‘ड्रिम’ गन्तव्य हो । लाखौं नेपालीको अमेरिका जाने सपना असरल्ल छ । त्यसमा पनि खास गरेर नयाँ पुस्ताको अमेरिका मोह अति उच्च छ । चर्को ब्याजमा ५०/६० लाख ऋण खोज्यो । हिँड्यो सपनाको देश अमेरिका ! तर अमेरिका गएपछि कसरी जीवन सुरु गर्ने, कहाँबाट गर्ने लगायतका कुरा अमेरिका जानुअघि सबैले थाहा पाउनै पर्छ । 

अमेरिका स्थायी बसाइका लागि अमेरिका ओर्लेपछि कहाँबाट शुरु गर्ने जीवन ? कहाँबाट शुरु हुन्छ अमेरिकामा सेटलमेन्ट​? कहाँबाट शुरु गर्दा ड्रिम पुरा होला त​ ? कुन बाटोबाट जाँदा अमेरिकी सपना पुरा हुनसक्ला त ? 

तपाई बर्बाद हुने कि सफल हुने अमेरिका छिरेका दिन वा अमेरिका ओर्लेपछि, तपाईँसँग दुई वटा च्वाइस छ​। सायद बिग्रिन​, भत्किन​, बर्बाद हुन​, असफल हुन​, सड्न, मानसिक एवं आर्थिक रुपमा विकलाङ्ग क्षतविक्षत हुन तपाई चाहनु हुन्न​। यस्तो शत्रुलाई पनि नपरोस् भन्ने नेपाली उखानमा भने जस्तै खासमा कसैलाई पनि यस्तो विपत्ति नपरोस् । अमेरिका छिर्दाको ताजा, भरिलो, रसिलो सपना गुमाउनेहरू प्रशस्त छन अमेरिकामा। बर्बाद हुने, बर्बाद बनाइने र स्वास्थ्य एवं अन्य विविध कारणले बर्बाद भ​एका व्यक्ति एवं नेपाली फेमिलीहरुको बिगत​ र वर्तमान राम्रो छैन​। 

त्यसैले मैले यहाँ केही बुँदा लेखिदिएको छु । जसबाट नयाँ आउँदै गरेका, आइसकेका र आउनका लागि खुट्टा उचालिरहेका सबैका लागि यसले एउटा राम्रो जानकारी हुनसकोस् भन्ने मैले सधैं चाहेको हुन्छु। सानुबाबु सिलवालको चाहना अमेरिकामा सबै नेपाली परस्पर​ सम्बृद्धि​, समुन्नत र पहिचान कमाउन सक्ने अवस्थामा पुगुन भन्ने हो ।

संगत राम्रोसँग गर्नुहोला, सबैभन्दा पहिला । खराब संगत​, मुखाले संगत​, लुटाहा संगत​, कपटी संगत​, शोषण गर्ने संगत र मान्छे भ​एर मान्छेको व्यवहार नगर्ने संगतको फेला पर्नु भयो भने आएकै दिनदेखि तपाईँको जीवन अमेरिकामा कुहिन थाल्यो भनेर जान्नु। ठूला ठूला कुरा गर्ने, आफ्नो औकात भन्दा माथि कुरा गर्ने, आफ्नो हैसियत र सपना बाँड्ने र अरूलाई भ्रममा पार्ने एवं अरूको कुरा काटेर जीवन गुजार्ने र अरूलाई नराम्रो देख्ने व्यक्ति एवं परिवारसँग हुनुहुन्छ भने भोलि बिहानै छोडिदिनु यस्तो संगत ।

 कहाँबाट शुरु गर्ने अमेरिकामा जीवन ​?
१) कागज नुहुनेले पहिले सोसियल सेक्युरिटी र वर्कपर्मिट हाता पार्ने काम गर्नुहोस् ।
२) सस्तो, एफोर्डेबल ठाउँ खोज्नुहोस् बस्नेका लागि।
३) महंगा शहरमा अलिकति ज्याला, तनखा बढी होला तर खर्च र सेभिङ हेर्नुभयो भने महंगा शहर र राज्य तपाईँका लागि खुट्टामा बन्चरो ताके सरह हो भन्ने बुझ्नुहोस्।
४) सामाजिक, सोसियल मिडिया, बिग्रिएका, सडेका, गुड्डी हाँक्ने, गफाडी र फटाहाका कुरा सुन्दै नसुन्नु । १२ हात पर भाग्नु यस्ता मानिसहरूबाट​। 
५) ५० जनाका कुरा नसुन्नु ।
६) काम खोज्नु, जुन कामले भविष्यमा अनुभव बटुलोस् र लगानीको मार्ग प्रशस्त बनाउन सकोस्​। 
७) चोर काम​, ठग्ने, कानुन मिच्ने, आँखा छल्ने, फट्टाइ गर्ने, झुटो बोल्ने, काम चोर​, अल्छी, झारा टार्ने गर्दा आफैंलाई ठगिरहेको छु, बर्बाद बनाइरहेको छु भनेर बुझ्नु।
८) अमेरिकामा हुनुहुन्छ, कमाइन्छ तर मनि माइन्डेड​, रकमी, छोटो हात र दिमाग तथा मनमा मनि मनि भनेर एकोहोरो नबनाउनु। यस्तो आदत र ब्यहोराले तपाईँको मानसिकता महत्वाकांक्षा र क्रेजी बनाइदिन्छ​। जसबाट तपाईँले इमान्दारिता, मानसिकता एवं पिस लुज गर्नुहुनेछ र डिप्रेसनको शिकार बन्न सक्नुहुनेछ​। 
९) बच्चाहरूलाई राम्रो शिक्षा दिने र उनीहरुको भविष्य बनाउन लगानी गर्नुहोस्, पहिले।
१०) इमानदारिताले तपाईँलाई पे ब्याक गर्छ। इमान्दारिता कहिल्यै किल नगर्नु होस्​।
११) कानुनको पालना गर्नुहोस् अनि कानुनको कतिपय कुरा हेक्का राख्नुहोस्​।
१२) तुच्छ स्वार्थी नबन्नु कहिल्यै। यस्तो बन्दा तपाईँले नेटवर्क गुमाउनुहुन्छ​। फाइनान्सियल फ्रिडमका लागि तपाईँसँग राम्रो नेटवर्क हुन जरुरी छ​। आफ्नो काम पर्दा निहुरिने र काम फत्ते भ​एपछि मान्छेलाई मान्छे नै नगन्ने तोरी लाहुरे ब्यहोराले तपाईँलाई कसैले मन पराउँदैनन्​। 
१३) तपाईँसँग कति क्यापासिटी छ, कति स्किल छ​, कति कमनसेन्स छ र कति दक्षता छ भनेर स्व। समीक्षा र रिअलाईजेशन गर्नुहोस्।
१४) भाषा अङ्ग्रेजी सिक्नुहोस्​। भाषा अवसर हाता पार्ने महत्वपूर्ण कम्युनिकेसन्स माध्यम हो। 
१५) ३०-३५ बर्ष भन्दा माथि उमेरकाले स्कुल​, कलेज ग​एर डिग्री हासिल गरेर फाइनान्सियल फ्रिडम प्राप्त गर्ने चान्स कम हुन्छ किनभने उमेरले भ्याउँदैन र यसो गर्नु भनेको टोटल समयको बर्बाद हो। उमेर​, अवसर र समयलाई सधैं नाप्नु र हेक्का राख्नु।
१६) सीड मनि बनाउनु। 
१७) अनुभव र सीड मनि बनेपछि सानुबाबु सिलवालसँग सम्पर्क गरे पुग्छ​। तपाईँलाई बाटो कोरिदिन्छु, आर्थिक स्वतन्त्रता र अमेरिकी ड्रिम कसरी प्राप्त हुनसक्छ​। कसरी सफलता प्राप्त गर्न सकिन्छ​ ? तपाईँसँग इच्छाशक्ति हुनु जरुरी छ​। तपाईँसँग डेडिकेशन र मिसन हुन जरुरी छ​। 
१८) डलर सजिलो ठाउँमा छैन​। नथिङ्ग इज इजी इन अमेरिका। 
१९) डिसिजन गर्ने क्यापासिटी, स्व। निर्णय गर्नसक्ने तपाईँसँग प्रवल वातावरण र तपाईँसँग सहयोगी पार्टनर जीवनसाथी वा मार्ग निर्देशनमा सहयोगी व्यक्ति वा परिवार आवश्यक पर्न सक्छ​। 
२०) अमेरिकामा साथ संगत तपाईँको फाइनान्सियल र परस्पर जीवनको आधार हो भनेर भुल्नु भयो, रेस्पेक्ट गर्न सक्नुभ​एन​, मैमत्ता, चोर बुद्धि, फटाहा र कपटी हुनुभयो भने तपाईँलाई कसैलै पनि साथ र सहयोग गर्दैन, लेखेर राख्नुहोला। 
२१) बाँकी तपाईँको सारथि र सहयोगी सानुबाबु सिलवाल तपाईहरुको साथमा छ​।  सबैको जय होस​। आफ्नो साहु आफैं बनौँ, आफ्नो पे चेक आफैं काटौँ र फाइनान्सियल फ्रिडमका लागि तपाईँको सीड मनि लगानी गरि अमेरिकामा अवसर मज्जाले हाता पारौँ।

‘जाने श्रीखण्ड, नजाने खुर्पाको बिँड’ भने जस्तै आफ्नो नियमित व्यवहार र गतिविधिले तपाईं हाम्रो दैनिक जीवनमा ठूलो फरक पार्दछ र महत्व राख्दछ पनि । तपाईं हामी आर्थिक रूपमा समृद्धशाली बन्ने, जीवनलाई सरल र सहज ढंगले चलाउने र आफ्नो प्रवृत्तिलाई व्यवस्थित र सन्तुलित गर्नसके भविष्यमा थुप्रै अप्ठ्यारा, आर्थिक कठिनाइ र समस्याबाट गुज्रिने अवस्थाबाट बचाउन सक्दछ । हामी संसारको समृद्धशाली , अवसर र आर्थिक स्वतन्त्रताको मुलुक अमेरिकामा बसेको भनिएपनि सोचेजस्तो र कल्पना गरेजस्तो छैन यो अमेरिका । कडा परिश्रम गर्नैपर्छ । काम गर्नैपर्छ र श्रम गर्नैपर्छ, जीवन चलाउन र बिल तिर्न । अमेरिकामा श्रमको सम्मान त छ नै ।