सीता एयरको जहाजमा ठोक्किएर घाइते भएका भामलाई नेपालगञ्ज लगियो

१० जेठ, काठमाडौं । मुगुको ताल्चा विमानस्थलमा सीता एयरको जहाजमा ठोक्किएर घाइते भएका विमानस्थल स्टेसन प्रमुख धीरेन्द्र भामलाई थप उपचारका लागि नेपालगञ्ज लगिएको छ । 

जिल्ला प्रहरी कार्यालय मुगुका प्रमुख वीरेन्द्र थापाका अनुसार ताल्चा विमानस्थल स्टेसन प्रमुख धीरेन्द्र भाम घाइते भएका थिए । सीता एयरको जहाजमा ठोक्किएर घाइते भएका उनलाई सोही जहाजबाट उपचारका लागि नेपालगञ्ज लगिएको हो । 

नेपाल नागरिक उड्डयन प्राधिकरण ताल्चा कार्यालयका अनुसार पाइलटले बोलाएपछि जहाज नजिकै जाँदा उनी चिप्लिएर लडेका थिए । जहाज स्टार्ट गर्ने समयमा पाइलटले जहाज नजिक स्टेशन प्रमुखलाई बोलाउँदा जहाजमा ठोक्किएका हुन् ।