डाँडामा लुकेको होमस्टे : चुलीबोझा मगर होमस्टे

मनिष अर्याल र नेपाल फोटो लाइब्रेरी 

१२ जेठ, काठमाडाैं । पुर्वी नवलपरासी 'नवलपुर' को उत्तरी भेगमा पर्ने ग्रामिण पालिका मध्य बुलिङ्टार गाउँपालिका पनि पर्छ । नेपालमा नै पर्यटकीय क्षेत्रमा चिनिएको महाभारत श्रृङ्खला अन्तर्गत समुन्द्री सतह देखी १९३६ मिटर अग्लो देवचुली डाँडाको काखमा अवस्थित सुन्दर गाँउमा मगर जातिको बाहुल्यता रहेको छ । सुन्दर र शान्त गाँउमा घर बास 'होमस्टे'को सञ्चालन २०७३ साल देखि शुरु गरिएको हो ।
 
गाउँकै नाम र मगर समुदाय लाइ जोडेर 'चुलीबोझा मगर सामुदायिक होमस्टे' नाम दिइएको छ । पूर्वपश्चिम राजमार्गबाट २५ किलोमिटरको दुरिमा उत्तर तर्फ लागेपछि चुलीबोझा पुग्न सकिन्छ । बुलिङटार गाउँपालिका वडा नं। ४ मा अवस्थित छ चुली बोझा सामुदायिक मगर होमस्टे ।

मगर होमस्टेमा मगर समुदायको कला संस्कृति 'करुवा र झाम्रे नाच'सँगै, स्थानीय क्षेत्रमा उत्पादित वस्तुहरूबाटै बनेका खानाका परिकार कोदोको ढिडो, सिस्नुको अचार, लोकल कुखुराको स्वाद लिन पाइन्छ । होमस्टे अन्तर्गत हाल पाहुनाका लागि १३ वटा घरहरू रहेका छन् । होमस्टेमा तीन बटा हलकोठासहित २४ कोठाहरू रहेको र एकै दिनमा ५० जनासम्म पाहुना राख्न सक्ने व्यवस्था छ ।