आफ्नो नागरिकता बारे दुष्प्रचार गर्नेविरुद्ध सिरोहियाले कानुनी उपचार खोज्ने

१७ जेठ, काठमाडौं । कान्तिपुर मिडिया ग्रुपका अध्यक्ष कैलाश सिरोहियाले आफ्नो नागरिकताबारे गलत प्रचार गर्ने व्यक्ति र समूह विरुद्ध कानुनी उपचारमा जाने बताएका छन् । प्रहरी हिरासतबाट रिहा भएपछि उनले प्रहरी प्रशासनले आधारभूत अनुसन्धान बिनै पक्राउ गरी ९ दिनसम्म हिरासतमा राख्ने योजनामा संलग्न तथा आफ्नो नागरिकताबारे दुष्प्रचार गर्ने  व्यक्ति र समूह विरुद्ध कानुनी उपचार खोज्ने बताएका हुन् । 
 
सिरोहियाले एक प्रेस विज्ञप्ति जारी गर्दै कानुनी उपचारको बाटोमा जाने उल्लेख गरेका छन् । उनले आफूलाई गरेको गिरफ्तारी कान्तिपुरको पत्रकारितालाई दुर्बल बनाउने र अरू सञ्चारमाध्यमलाई पनि तर्साउने दुष्प्रयासले यो हरकत भएको थियो भन्नेमा अब कुनै शंका नरहेको उल्लेख गरेका छन् ।

’प्रहरी प्रशासनले आधारभूत अनुसन्धान पनि नगरी मलाई पक्राउ गरी ९ दिनसम्म हिरासतमा राखिएकामा यो योजनामा संलग्न सबैलाई जवाफदेही बनाउन कानुनी उपचारको बाटो खोज्ने जानकारी गराउन चाहन्छु’ अध्यक्ष सिरोहियाको विज्ञप्तिमा भनिएको छ । उनले आफूलाई गैर नेपाली भन्ने, दुई/तीन थरी नागरिकता रहेको र नागरिकतामा हस्ताक्षर र मितिसमेत नरहेको जस्ता हल्ला फैलाउनेहरूलाई आफ्नो दाबी प्रमाणित गर्न सार्वजनिक चुनौती पनि दिएका छन् । 

अध्यक्ष सिरोहियाद्वारा जारी प्रेस विज्ञप्ति