नेपाल प्रहरीका ४ एसपी एसएसपीमा बढुवा सिफारिस

१९ जेठ, काठमाडौं । नेपाल प्रहरीका ४ जना प्रहरी उपरीक्षक (एसपी) लाई प्रहरी वरिष्ठ उपरीक्षक (एसएसपी)मा बढुवाका लागि सिफारिस गरिएको छ ।  शुक्रबार बसेको बढुवा समितिको बैठकले जनपथ प्रहरी समूहका ४ जना एसपीलाई एसएसपीमा बढुवा सिफारिस गरेको हो । 

बढुवाका लागि सिफारिस हुनेमा एक नम्बरमा श्याम कृष्ण अधिकारी रहेका छन् । त्यस्तै बढुवा सिफारिसमा रविन्द्र रेग्मी, भीम बहादुर दाहाल र नान्तीराज गुरुङ रहेका छन्।