उडान सुरक्षा प्रावधान उल्लंघन गरेको आरोपमा पाइलट विजय लामा र भावना पन्त ‘ग्राउन्डेड’

२१ जेठ, काठमाडौं । नेपाल नागरिक उड्डयन प्राधिकरणले नेपाल एयरलाइन्सका पाइलटहरू विजय लामा र भावना पन्तलाई ग्राउन्डेड गरेको छ ।  उडान सुरक्षा प्रावधान उल्लंघन गरेको भन्दै प्राधिकरणले उनीहरूलाई अनुसन्धान अवधिभरिका लागि  ‘एक्टिभ ड्युटी’ बाट हटाएको जानकारी गराएको छ । 

लामा वाइड बडी जहाज ‘एयरबस ३३०’ जहाज उडाउने क्याप्टेन हुन्। यता पन्त भने न्यारो बडी जहाज ‘एयरबस ३२०’ उडाउने क्याप्टेन हुन् । प्राधिकरणबाट पत्र प्राप्त भएपछि नेपाल एयरलाइन्सले ग्राउन्डेड गरेको बताइएको छ ।  जानकारीअनुसार फोटोग्राफी सम्बन्धी नियम उल्लंघन गरेको आरोप उनीहरूमाथि छ ।