सदस्यताबाट नाम काटिएका पत्रकार भन्छन, ‘महासचिव पुरीका कारण पत्रकार महासंघमा भाँडभैलो भयो’
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ २४, २०८१ बिहिबार १२:८:३९
![](https://nepalbahas.prixacdn.net/media/albums/roshan_F2uArmKBHD_LJFHJKxVCR.png)
२४ जेठ, काठमाडौं । नेपाल पत्रकार महासंघमा पछिल्लो समय सदस्यता विवादले भाँडभैलो मच्चिएको बताइएको छ । माओवादी निकट महासचिव रोशन पुरीले आफू आगामी अध्यक्षमा जित्ने गरी जिल्ला जिल्लामा पत्रकारै नभएका माओवादी कार्यकर्ताहरूलाई सदस्य बनाएको आरोप लागेको छ ।
जिल्ला शाखा र प्रदेश समितिले सिफारिस नै नगरेका मानिसहरू जो पत्रकारितामै छैनन्, भट्टी पसल चलाउने, तरकारी पसल राख्ने, ठेक्कापट्टा र अनेकन् धन्दामा संलग्नहरुलाई प्रत्येक जिल्लामा रोशन पुरीले एकलौटी पाराले पत्रकार महासंघको सदस्य बनाएको अधिकांश पत्रकारहरूले आरोप लगाएका छन् । त्यसकारण सदस्यता विवाद टुंगिन मुश्किल परेको उनीहरुको भनाइ छ ।
महासंघका एकजना पदाधिकारीले सदस्यता शुद्धीकरणको जिम्मेवारी लिएका महासचिवले नै गैर पत्रकारहरूको हुललाई महासंघमा छिराउने प्रपञ्च रचेपछि सिंगो केन्द्रीय समिति नै त्यस विरुद्ध खनिएको बताए ।
माओवादीको भातृ संगठन प्रेस सेन्टर बाहेक प्रेस युनियन, प्रेस चौतारी, प्रेस मञ्च, समाजवादी प्रेस जस्ता सबै संघसंस्थाले महासचिवले तयार पारेको लिस्टलाई नस्विकार्ने भनिसकेका छन् । पुरी यसपटक अध्यक्षमा उठ्ने तयारी गरिरहेको बताइन्छ । सेन्टरले उनैलाई अघि सार्ने पक्का पक्की छ । प्रेस युनियनका तर्फबाट दीपक आचार्य, बद्री सिग्देल, अनिता विन्दु र रमेश विष्ट लगायत उम्मेदवारका रूपमा चर्चामा छन् । उनीहरुका अगाडि पुरी धेरै कमजोर उम्मेदवार हुन् ।
त्यस्तै प्रेस चौतारीले पुन निर्मला शर्मालाई अध्यक्षको उम्मेदवारका रुपमा अघि सार्ने बुझिएको छ । युनियन र चौतारीका बलियो उम्मेदवारका रूपमा देखेपछि सेन्टर तर्सिएको छ । गोविन्द आचार्यपछि दोस्रो अध्यक्ष बनाउने पालो कुरेर बसेको सेन्टरले पुरीमार्फत सदस्यतामा खेलेको हो ।
चौतारी र युनियनसँग बार्गेनिङ पावर बढाउने उद्देश्यले सेन्टरले गरेको ग्रान्ड डिजाइन अनुसार पुरीले काम गरिरहेका छन् । हरेक जिल्लामा शाखाको निर्वाचन समीकरणलाई समेत प्रभावित पार्ने गरी दुई शब्द पनि लेख्न नजान्ने तथा कहिल्यै पत्रकारिता समेत नगरेका माओवादी कार्यकर्तालाई जबरजस्त महासंघको सदस्य बनाइएको छ । सुर्खेत भेलाले निर्णय गरेको शुद्धीकरण अभियानको खिल्ली उठाउँदै व्यावसायिक पत्रकारहरूको सदस्यता काट्ने तर गैर पत्रकारलाई सदस्य बनाउने माओवादीको खेलोका कारण महासंघ थप बदनाम हुँदैछ ।
महासंघका एकजना पदाधिकारीका अनुसार प्रदेशले गत वर्ष भदौमै बुझाएको सदस्यता नामावलीलाई पुरीले महिनौसम्म लुकाएर राखे । कुनै पदाधिकारी वा संगठन समितिमा पनि छलफल गर्न ल्याएनन् । गोप्य रूपमा उनले शुद्धीकरणको काम गर्दै होलान् भनेको त युनियन र चौतारीका सदस्यलाई शुद्धीकरणका नाममा काट्ने र आफ्नो थप्ने गरेका रहेछन् ।
सेन्टरबाट विगतमा गोविन्द आचार्य उपाध्यक्ष भएकै बेलादेखि माओवादी कार्यकर्तालाई हुलका हुल सदस्यता दिने क्रम सुरु भएको त्यति बेलाकै पदाधिकारी बताउँछन् । त्यसपछि सेन्टरबाट ओम शर्मा र उजिर मगर महासचिव हुँदा पनि त्यो क्रम बढाइयो ।
अघिल्लो कार्यकालमा त्यति बेलाका महासचिव रमेश विष्टले भने सदस्यतामा माओवादीको खासै चल्न दिएनन् । त्यति बेलाका अध्यक्ष गोविन्द आचार्यको हस्तक्षेपलाई समेत अस्वीकार गरेर विष्टले सदस्यतामा सन्तुलित ढंगले काम गरेकाले पहिलो पटक प्रत्यक्ष चुनाव हुँदा पनि कुनै प्रकारको समस्या उत्पन्न भएन । उति बेला केन्द्रीय सदस्य र अहिलेका एकजना पदाधिकारीले त्यसकारण पनि निर्वाचनको परिणाम युनियनको पक्षमा आएको दावी गर्छन् । तर अहिले त बिजोग बनाएका छन् ।
अध्यक्ष विपुल पोखरेल रबर स्टाम्प छन् । महासचिवले उनलाई ब्ल्याकमेलिङ गरी घुमाएकोले जे भनेपनि हस्ताक्षर गरिदिने उनको व्यवहारले थप समस्या देखिएको तिनै पदाधिकारीले बताए । पुरीले गरे अनुसारको सदस्यता नै स्वीकृत भए सेन्टर एक नम्बरको स्थितिमा पुग्ने छ । उसको बार्गेनिङ पावर बढ्छ । चौतारीसँगको सम्बन्ध टाढिएका बेला पुरी र उनको टीमले चौतारी सम्बद्ध सदस्यमाथि धेरै कैंची चलाएका छन् । उनले चौतारीलाई कमजोर बनाउने, युनियनलाई पनि घटाउने र युनियनसँग गठबन्धन गरेर अध्यक्ष लिने उता चौतारी पनि कमजोर भएको मौकामा जित्ने दाउ लिएको बताइएको थियो ।
तर, राजनीतिक समीकरण फेरिएपछि उनलाई थप अप्ठ्यारो परेको छ । चौतारीले अध्यक्ष नछोड्ने स्थितिमा पुरीको योजना फेल हुने भएपछि उनले विवाद समाधानतर्फ प्रयत्न नै गरेका छैनन् । महाधिवेशनमा जेठ २६ गते निर्वाचन गराउने मिति उनैले प्रस्ताव गरेर तोकाएका थिए । त्यसले महासंघमा वैधानिक संकट समेत निम्तिएको छ । २६ गते चुनाव हुन गइरहेको छैन । महाधिवेशनले तोकेको मितिलाई कसले रद्द गर्ने वा त्यसलाई कसरी सार्ने ठूलो वैधानिक दुविधा बाँकी नै छ ।
वैधानिक संकट देखाएर सरकारबाट महासंघमा तदर्थ समिति घोषणा गराउने दाउपनि सेन्टरले रचिरहेको छ । महासंघका केही पदाधिकारी र सदस्यहरू पुरीको योजना बुझेर त्यस विरुद्ध सजग छन् । तर, अध्यक्षलाई के को लोभ देखाइएको छ, थाहा छैन । उनी त माओवादीले जे भनिरहेको छ, त्यतै लागेकोमा महासंघमा युनियनका पदाधिकारीहरु कुरा काटिरहेका छन् । अब तोकिएको मितिमा चुनाव हुन नसकेपछि सदस्यता विवादलाई समय लिएर शाखा, प्रदेश र संगठन समितिको परामर्शबाट टुंग्याएर मात्रै चुनावमा जानुपर्ने आवाज युनियन र चौतारीले गर्न थालेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयुनियन र चौतारी निरीह बन्दा माओवादी षडयन्त्रको शिकार भयो पत्रकार महासंघ
असार ९, २०८१ आइतबार
काठमाडौंका मेयर बालेनविरुद्ध कबाड व्यवसायीको नाराबाजी ( फोटोफिचर )
असार २, २०८१ आइतबार
नेपालले राष्ट्रिय स्वेच्छिक समीक्षा प्रतिवेदन तयार पार्ने
जेठ २१, २०८१ सोमबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
देशभर मनसुनी वायुको प्रभाव : आज यी ठाउँहरुमा भारी वर्षा हुने
असार १२, २०८१ बुधबार
बाढी पसेपछि विराटनगर विमानस्थल बन्द
असार १२, २०८१ बुधबार
कांग्रेसले स्वास्थ्य तथा गुणस्तरसम्बन्धी गैर सरकारी विधेयक दर्ता गराउने
असार १२, २०८१ बुधबार
ट्राभिस हेड टी-२० वरियताको ब्याट्सम्यानको सूचीमा शिर्ष स्थानमा
असार १२, २०८१ बुधबार
नेपालगञ्जमा महिला क्याम्पसमा अध्ययन गर्नको आकर्षण बढ्यो
असार १२, २०८१ बुधबार
जङ्गली च्याउ खाँदा तीन जनाको मृत्यु, १६ बिरामी
असार १२, २०८१ बुधबार
रुकुमकोट बजार आसपास क्षेत्र
असार १२, २०८१ बुधबार