अब घर-घरमा नगर प्रहरी [ फोटोफिचर ]

♦ मनिष अर्याल

२४ जेठ, काठमाडौं । ललितपुर महानगरपालिकाले 'सुन्दर ललितपुर नगरी, घर घरमा नगर प्रहरी' भन्ने मुल नाराको साथ नगरवासीको गुनासो, सुझाव र समस्या तत्काल सुनुवाइ गरी सो अनुसारको सेवा प्रवाह गर्नको लागी परिचालन कार्यक्रम शुभारम्भ भएको छ ।

ललितपुर महानगरले आज एक कार्यक्रम गर्दै घर घरमा नगर प्रहरी कार्यक्रम सुरु गरेको जानकारी गराएको छ । घर घरमा नगर प्रहरी कार्यक्रमको समुद्घाटन गर्दै ललितपुर महानगर प्रमुख चिरिबाबु महर्जनले नगर प्रहरीको उदाहरणीय कदमले नगर बासीको महानगर प्रति नाता अझ नजिक हुने बताए । दैनिक पचास जना नगर प्रहरी हरेक वडामा खटिने ललितपुर महानगर प्रहरी बलका प्रमुख सिताराम हाछेथुले जानकारी गराए ।