महोत्तरीमा अज्ञात समूहद्वारा युवकमाथि गोली प्रहार, ब्रासलेट र सिक्री लुटेर फरार

२८ जेठ, जनकपुर । महोत्तरीमा अज्ञात समूहको गोली प्रहारबाट एक युवक घाइते भएका छन् । सोमबार साँझ मोटरसाइकलमा आएका अज्ञात समूहले गौशाला नगरपालिका ११ भरतपुरका ३० वर्षीय मुरारी भनिने विनय महतोमाथी मराहा खोलामा गोली प्रहार गरेको प्रहरीले जानकारी दिएको छ । 

कम्मरमा गोली लागेर उनी गम्भीर घाइते भएका छन् । उनलाई उपचारको लागि जनकपुर ल्याइएको छ ।  दुईवटा मोटरसाइकलमा आएका हतियारधारी अज्ञात समूहले महतोमाथि गोली प्रहार गरी उनले लगाएको सुनको ब्रासलेट र सिक्री लुटिएको छ । 

गोली प्रहार गर्ने अज्ञात समूहको खोजी कार्य जारी रहेको महोत्तरी प्रहरीले जनाएको छ ।