संसदका कर्मचारीको मागका सम्बन्धमा राखिएको बैठकमा एनजीओको खाजाबारे कांग्रेसले उठायो प्रश्न
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार ३, २०८१ सोमबार १४:२९:०
![](https://nepalbahas.prixacdn.net/media/albums/savamukh-_elxT8nvcPT_2BkFRoxzur.jpg)
३ असार, काठमाडौं । संसद सचिवालयका कर्मचारीको आन्दोलन लगायतको विषयमा छलफल गर्न सभामुख देवराज घिमिरे र राष्ट्रिय सभा अध्यक्ष नारायण दाहालले राखेको बैठकमा नेपाली कांग्रेसले राज्य व्यवस्था समितिको बैठकमा कसरी एनजीओको खाजाले प्रवेश पायो भन्दै प्रश्न उठाएको छ ।
कांग्रेसले संसदीय समितिको बैठकमा एनजीओले ल्याएको खाजा खुवाउनुपर्ने स्थिति आउनु दुखद भएको भन्दै यसबारे सभामुखले चासो लिनुपर्ने बताएको छ । बैठकपछि प्रमुख सचेतक रमेश लेखकले समितिको बैठकमा एनजीओले खाजा खुवाउनुपर्ने विषय गम्भीर र संवेदनशील रुपमा उठाएको बताए ।
उनले आइतबार राज्य व्यवस्था समितिको बैठकमा एनजीओले ल्याएको खाजा खुवाएको विषयमा आजको सभामुख, राष्ट्रिय सभाका अध्यक्ष र सचेतकहरू रहेको बैठकमा छलफल भएको बताए । यो गम्भीर र संवेदनशील विषय हो । संसदले व्यहोर्न नसकेर एनजीओसँग मागेको हो कि एनजीओहरूले त्यसै समितिमा ल्याएका हुन यसबारे सभामुखले सोध्नुपर्छ, उनले भने ।
राज्य व्यवस्था समितिको बैठकमा गैरसरकारी संस्थाले खाजा बाँडेपछि खैलाबैला भएको थियो । गृहमन्त्री रवि लामिछाने बैठक छाडेरै हिँडेका थिए । समितिको सभापतिमा कांग्रेसकै रामहरि खतिवडा छन् । उनले पनि खाजाबारे मजाक गरेका थिए ।
राज्य व्यवस्था समितिको हलमा बसेको बैठकमा कर्मचारीको न्यायोचित माग सम्बोधन गर्नुपर्ने र यसबारे मंगलबार अर्थमन्त्री वर्षमान पुनसँग छलफल गर्ने भन्दै आजको छलफल सकिएको एमालेका प्रमुख सचेतक महेश बर्तौलाले बताए ।
कर्मचारीहरूले उठाएको न्यायोचित मागलाई पूरा गर्नुपर्छ । माग पूरा गर्नको सरकारले आवश्यक बजेटको व्यवस्थापन गर्नुपर्नेछ । यो मागबारे सकारात्मक छौं । भोलि नै अर्थमन्त्रीसँग छलफल गरेर कर्मचारीलाई आन्दोलनको तहमा नपुर्याउने सहमति भएको छ, उनले भने । कांग्रेसका प्रमुख सचेतक रमेश लेखकले पनि कर्मचारीले श्रम अनुसारको सेवा सुविधा पाउनुपर्छ भन्नेमा सबै एकमत रहेको बताए ।
बैठकमा दुवै सभाका पदाधिकारी, दुवै सभाका प्रमुख सचेतक, मुख्य सचेतक, संघीय संसदका महासचिव र सचिवालय सचिवलगायत सहभागी थिए । संघीय संसद सचिवालय कर्मचारी युनियनका तर्फबाट अतिरिक्त समयमा गरेको कामको भत्ता पाउनुपर्ने लगायतको ११ बुँदे माग राखेर कर्मचारीहरू आन्दोलनमा छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकांग्रेसले स्वास्थ्य तथा गुणस्तरसम्बन्धी गैर सरकारी विधेयक दर्ता गराउने
असार १२, २०८१ बुधबार
उपप्रमुख डंगोलसँग ल्हासा नगरको प्रतिनिधिमण्डलको भेटवार्ता
असार १२, २०८१ बुधबार
परराष्ट्रमन्त्री श्रेष्ठसँग चिनियाँ उपविदेशमन्त्री वेइडोङको भेटवार्ता
असार १२, २०८१ बुधबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
देशभर मनसुनी वायुको प्रभाव : आज यी ठाउँहरुमा भारी वर्षा हुने
असार १२, २०८१ बुधबार
एसईईको नतिजा बिहीबार विहान सार्वजनिक गर्ने निर्णय
असार १२, २०८१ बुधबार
नेप्से दोहोरो अंकले घट्यो, चार अर्ब भन्दा बढीको कारोबार
असार १२, २०८१ बुधबार
रहस्यमय मृत्युलाई लिएर कराँचीमा उच्च सतर्कता अवलम्बन
असार १२, २०८१ बुधबार
संसदीय छानबिन समितिले माग्यो गोरखा मिडिया नेटवर्कमा लगानी गरेका सहकारीको कागजात
असार १२, २०८१ बुधबार
तातोपानी गाउँपालिकाले एकल पुरुष भत्ता कार्यक्रम लागू गर्ने
असार १२, २०८१ बुधबार
बाढी पसेपछि विराटनगर विमानस्थल बन्द
असार १२, २०८१ बुधबार