गृहमन्त्री लामिछानेविरुद्ध काठमाडौं प्रहरीमा सहकारी ठगीसम्बन्धी अर्को उजुरी दर्ता

६ असार, काठमाडौं । उपप्रधान एवं गृहमन्त्री रवि लामिछानेविरुद्ध काठमाडौं प्रहरीमा सहकारी ठगीसम्बन्धी अर्को जाहेरी दर्ता भएको छ । स्वर्णलक्ष्मी सहकारी ठगीमा संलग्न रहेको आरोपमा उनीविरुद्ध परेको जाहेरी जिल्ला प्रहरी परिसर टेकुमा दर्ता भएको छ । 

सिन्धुलीका युवराज पौडेल (सफल) ले रवि लामिछाने र जीबी राईविरुद्ध गत मंगलबार हुलाकमार्फत किटानी जाहेरी पठाएका थिए । उक्त जाहेरी हिजो बुधबार दर्ता भएको उनले जानकारी दिएका छन् ।  गत माघ २२ गते जिल्ला प्रहरी कार्यालय, कास्कीमा २५ जना पीडितले लामिछानेसहित १८ जनाका नाममा पूरक जाहेरी दिएका थिए । 

पूरक जाहेरीमा लामिछानेसँगै सूर्यदर्शनका पूर्वअध्यक्ष ज्ञानबहादुर बमजन, नेत्रपाणी बाँस्तोला र दीपेश पुनलाई पनि प्रतिवादी बनाइएको छ । गोरखा मिडिया प्रालिसहित विभिन्न १४ वटा कम्पनीलाई पनि प्रतिवादी बनाउँदै दिएको जाहेरी दर्ता भएको पौडेलको भनाइ छ ।