चिकित्सा शिक्षा आयोगमा ४ जना सिफारिस

९ असार, काठमाडौं । चिकित्सा शिक्षा आयोगको निर्देशक पद नियुक्तिका लागि एक महिलासहित चार जनाको नाम सिफारिस भएको छ  निर्देशकका लागि डा. सरला श्रेष्ठ, प्रा.डा. गुरुप्रसाद खनाल, प्रा.डा. सुजनबाबु मरहट्टा र प्रा.डा. सुदीप आचार्य छन् ।

प्रारम्भिक छनोमा परेका १२ जनामध्येबाट खनाल, मरहट्टा, आचार्य र श्रेष्ठलाई नियुक्तिका लागि सिफारिस गरिएको हो । चिकित्सा शिक्षा आयोगमा निर्देशकका ४ पद रिक्त छन् । २०८० कात्तिक २३ गते ३ सदस्यीय निर्देशक नाम सिफारिस समिति गठन गरिएको थियो । 

समितिले ०८० मंसिरमा माग गरेको विज्ञापनमा २० जनाले आवेदन दिएका थिए । त्यसमध्ये १२ जनाको नाम प्रारम्भिक छनोटमा परेको थियो ।

प्रारम्भिक छनोटमा परेका डा. कृष्णसागर शर्मा, प्रा.डा दिनेशकुमार लम्साल, डा. भीमसिंह त्रिकरी, प्रा. डा वन्दना गुरुङ शर्मा, डा. विजयचन्द्र आचार्य, प्रा.डा. सुरज बज्राचार्य, प्रा.डा. स्वयंप्रकाश पण्डित र हरिप्रसाद बस्याल भने अन्तर्वार्ता र प्रस्तुतीकरणपछि प्रतिस्पर्धाबाट बाहिरिएका छन् ।