साउनदेखि अनलाइबाटै वैदेशिक रोजगार मागपत्रको प्रमाणीकरण गराइने

१५ असार, काठमाडौं । सरकारले वैदेशिक रोजगार माग पत्रको प्रमाणीकरण साउन १ गतेदेखि अनलाइनमार्फत गराउने भएको छ । नयाँ व्यवस्था अनुसार रोजगारदाता कम्पनीले नेपालबाट कामदार लैजाने नियोग समक्ष पेश गरेको आवश्यक कागजातहरू साउन १ गते देखि अनलाइन मार्फत प्रमाणीकरण गरिने भएको हो । 

खाडी मुलुक लगायत नेपाली कामदार माग हुने अन्य देशहरूमा रहेका नेपाली राजदूतावासहरुले साउन १ गते देखि माग पत्र प्रमाणीकरण अनिवार्य रुपमा अनलाइन मार्फत गर्नु पर्नेछ । सेवा प्रवाहलाई चुस्त दुरुस्त बनाउने सरकारको नीति अन्तर्गत यो व्यवस्था लागू गरिएको हो ।