सीआईबीको प्रतिवेदनः नक्कली कम्पनीबाट सुन तस्करी, रेमिट्यान्स कम्पनी पेवेल र सजिलो–पेबाट रकम भुक्तानी
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार १७, २०८१ सोमबार १६:५:२१
![](https://nepalbahas.prixacdn.net/media/albums/paywell_ZO0sxFGyKx_yls5L8p1gi.png)
१७ असार, काठमाडौं । सुन तस्करीको दोस्रो अनुसन्धान प्रतिवेदन सरकारी वकिलको कार्यालयमा बुझाएपछि प्रहरीको केन्द्रीय अनुसन्धान ब्यूरो (सीआईबी) ले सोमबार पत्रकार सम्मेलन गरी यसबारे जानकारी दिएको छ । ५ वटा डमी कम्पनीमार्फत भएको सुन तस्करीको रकम भुक्तानी भने रेमिट्यान्स कम्पनी पेवेल र सजिलो–पेबाट भएको सीआईबीको भनाइ छ ।
यी दुई कम्पनी नेपाल राष्ट्र बैंकबाट इजाजत प्राप्त कम्पनी हुन् । रेमिट्यान्स र हुण्डीमा पनि यी दुई कम्पनीले गरेको कारोबार अवैध देखिएको सीआईबीको निष्कर्ष छ । रकम भुक्तानी र आधिकारिक कारोबारका लागि यी दुई कम्पनीलाई राष्ट्र बैंकले इजाजत दिएको हो । यी दुई कम्पनीबाट हुने गरेको अवैध कारोबारले नेपाल राष्ट्र बैंकको अनुगमनमाथि पनि प्रश्न उठाएको छ ।
सीआइबीले नक्कली ५ कम्पनीबाट करिब ३२ सय केजी सुन तस्करी भएको दाबी गरेको छ । पत्रकार सम्मेलनमा दिइएको जानकारी अनुसार भुजेल इलेक्ट्रिक सप्लायर्स प्रालिमार्फत १३०३.९६५ केजी, ह्वादा इलेक्ट्रिक सप्लायर्स प्रालिमार्फत ६३२.७१५ केजी, चुनगाक इलेक्ट्रिक सप्लायर्स प्रालिमार्फत ७१६.८३ केजी सुन तस्करी भएको छ । दोलखा इलेक्ट्रिक सप्लायर्समार्फत १७२.८ केजी र रेडी ट्रेड प्रालिमार्फत ७.५ केजी सुन तस्करी भएको र ब्रेक सुमार्फत यसअघि ३६२.७७८ केजी सुन तस्करी भएको दाबी सीआईबीको छ ।
यी कम्पनी सुन तस्करी गर्नकै लागि खडा गरिएको र सामान भित्र लुकाएर सुन ल्याइएको दाबी सीआईबीको छ । सीआईबीका अनुसार यो माध्यमबाट गिरोहले करिब ३१ अर्ब रुपैयाँको सुन तस्करी गरेर नेपाल भित्र्याएका छन् । उता, सरकारी इजाजत प्राप्त रेमिट्यान्स कम्पनी पेवेल र सजिलो–पेबाट सुन तस्करीमा ५५ अर्ब ७९ करोड भुक्तानी भएको दावी गरिएको छ । यी दुवै भुक्तानी साधनका रुपमा प्रयोग भएका कम्पनी हुन् ।
सीआईबीले लामो समय लगाएर दुई कम्पनीमाथि गरेको अनुसन्धान गरेको जनाएको छ । पेमेन्ट गेटवे भुक्तानी साधन सञ्चालन तथा व्यवस्थापनको इजाजत पत्र (लाइसेन्स) प्राप्त पेवेल नेपाल प्रालि र सजिलो पे पेमेन्ट सर्भिसेजले लाइसेन्सको दुरुपयोग गर्दै सुन तस्करीमा पटक–पटक गरी कूल ५५ अर्ब ७९ करोड ८८ लाख ८५ हजार ८ रुपैयाँ ५३ पैसा भुक्तानी सहजीकरण गरिदिएको हो ।
सीआईबीका अनुसार काठमाडौँ अनामनगर केन्द्रीय कार्यालय रहेको पेवेल नेपालले स्थापनाकालदेखि हालसम्म पटक पटक गरी कूल १ खर्ब २३ अर्बको भुक्तानी कारोबार गरेकोमा भौचर डिपोजिटका आधारमा ९६ अर्ब बराबरको कारोबार गरेको देखिएको छ । यो कम्पनीले सुन तस्करीमा भुक्तानी सहजीकरण गरेको देखिएकाले ८ जनालाई पक्राउ गरी अनुसन्धान थालिएको छ ।
सीआईबीले प्रतिवादी राजु खत्री, प्रशान्त गणेश बजबलकर, धिरज दिनेश बोइटे, सिद्धार्थ अशोक गाएकवाड लगायतलाई पक्राउ गरेको छ । बालुवाटार केन्द्रीय कार्यालय रहेको सजिलो पे पेमेन्टले पनि पटक पटक गरी सुन तस्करीको भुक्तानीमा ट्रान्जेक्सन गरेको भेटिएको सीआईबीले जनाएको छ । यी दुई कम्पनीको बैंक खाता रोक्का गर्न नियामक नेपाल राष्ट्र बैंक लाई पत्राचार गरिएको थियो ।
२०८० जेठ २ गते राष्ट्र बैंकले पेवेल नेपाल प्रा.लि. र सजिलो पे पमेन्ट सर्भिसेज प्रालिको बैंक खाता रोक्का गरिएको जानकारी दिएको सीआईबीले जनाएको छ । सीआईबीले तस्करीमा संलग्नलाई २ खर्ब ६६ अर्ब ६७ करोड बिगो दाबीसहित आइतबार नै मुद्दा दायर गरिसकेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपतोलामा ४ सयले बढ्यो सुन मूल्य
असार १९, २०८१ बुधबार
मंगलबार सुनचाँदीको मूल्य बढ्यो, तोलाको कति ?
असार १८, २०८१ मंगलबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
असार १८, २०८१ मंगलबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
नुनको भाउ बढ्यो, कति पुग्यो मूल्य ?
असार १८, २०८१ मंगलबार
नेप्सेमा सामान्य अङ्कको सुधार हुँदा पाँच अर्बको कारोबार
असार १९, २०८१ बुधबार
गाजामा एक लाख ५० हजारभन्दा बढी व्यक्ति छालासम्बन्धी रोगबाट पीडित
असार १९, २०८१ बुधबार
वरियतामा हार्दिक पाण्डेय अलराउण्डरको वरियतामा शिर्ष स्थानमा
असार १९, २०८१ बुधबार
भारतमा धार्मिक सभामा भागदौड हुँदा मृत्यु हुनेको सङ्ख्या १२१ पुग्यो
असार १९, २०८१ बुधबार
अधिवेशन गर्न नसकेर थला परेका कांग्रेसका १० भ्रातृ संस्थाको चैतसम्म थपियो म्याद
असार १९, २०८१ बुधबार