चन्द्रागिरि र एनआईसीबीच नवजात शिशुको मुद्दती खाता खोल्ने  सम्झौता

२१ असार, काठमाडौं । चन्द्रागिरि नगरपालिका र एनआईसी एसिया बैंकबीच बुधबार शिशुको मुद्दती खाता खोल्ने सम्झौता भएको छ । नगरपालिकाभित्र जन्मिएका शिशुको १८ वर्षे मुद्दती खाता खोल्ने सम्झौता भएको हो ।

सम्झौतापत्रमा बैंकका सहायक प्रमुख कार्यकारी अधिकृत अर्जुनराज खनियाँ र चन्द्रागिरिका नगर प्रमुख घनश्याम गिरीले हस्ताक्षर गरे ।

पालिकाको निजी उद्यम प्रवर्द्धन, आर्थिक सहायता तथा कार्यक्रम अनुदान सञ्चालन कार्यविधि, २०७८ 'संशोधनसहित २०८०' अनुसार नगरभित्र २०८० साउन १ मा वा सो मितिभन्दा पछि जन्मिएका शिशुको १८ वर्ष पुगेपछि परिपक्व हुने गरी आर्थिक सामाजिक सुरक्षा कार्यविधिबमोजिम नगरपालिकाबाट यो सुविधा प्रदान गरिनेछ ।