कांग्रेसमा मन्त्रीका आकांक्षी धेरै, सभापति देउवाले मागे शेखरबाट दुई र गगनबाट एक जनाको नाम
नेपालबहस संवाददाता
असार २४, २०८१ सोमबार १५:२२:११
२४ असार, काठमाडौं । नेकपा एमालेका अध्यक्ष केपी शर्मा ओली नेतृत्वमा बन्ने नयाँ सरकारमा नेपाली कांग्रेसका तर्फबाट मन्त्री पठाउन सभापति शेरबहादुर देउवाले नेता शेखर कोइरालासँग २ र महामन्त्री गगन थापासँग एक जनाको नाम मागेका छन् । देउवा निकट कांग्रेसका एक नेताले नेपालबहसलाई दिएको जानकारी अनुसार असार २८ गतेभित्र मन्त्री बन्नेको नाम पठाउन भनिएको हो ।
देउवाले ओली सरकारमा अवस्था हेरेर ११, १० वा ७ जना मात्र पनि मन्त्री हुनसक्ने भनेका छन् । राष्ट्रिय सहमतिको सरकार बनाउने प्रयास भएकाले अरु दललाई सहभागी गराउँदा कांग्रेसले ७ जना मात्रै मन्त्री पाउने अवस्था पनि हुन सक्ने भन्दै पहिलो चरणमा ७ जनाको नाम पठाइने भएको छ । जसमा देउवाका ४, शेखरका २ र गगनबाट एक जना हुनेछन् । राष्ट्रपति रामचन्द्र पौडेलको पक्षबाट मन्त्री बन्नेहरू पनि लविङमा छन् ।
ति नेताले बताए अनुसार आरजु राणा देउवा, रमेश लेखक र किशोरसिंह राठाैर पक्का जस्तै छन् । सुदूरपश्चिमबाट आरजु र लेखक मात्र यो पटक मन्त्रीमा पर्नेछन् । कांग्रेसबाट सरकारमा जानेको नेतृत्व भने सहमहामन्त्री भएका हिसाबले किशोरसिंह राठाैरले पाउने देखिएको छ । महामन्त्री गगन थापाले प्रदीप पौडेललाई पठाउने तयारी गरेका थिए । तर, देउवाले उनको नाम अस्वीकार गरेका छन् । पौडेलले यो पटक अवसर नपाउने पक्का जस्तै भएको छ ।
प्रदीप पौडेलले नपाउने भएपछि गगनका तर्फबाट प्रतिमा गौतमको चान्स बढेको छ । सम्भवतः गौतम यो पटक मन्त्री बन्ने ति नेताले बताए । कोइराला समूहबाट भने मन्त्री बन्नेहरूको लाइन निकै लामो छ । तर, उनले अहिले २ जना मात्र छान्नु पर्नेछ । पछि कांग्रेसको संख्या बढेमा शेखरले थप एक जना पाउनेछन् । अहिलेलाई भने देउवाले २ जना मात्र भनेका छन् । कोइरालालाई मन्त्री छान्न सकस छ ।
उनले मन्त्री बनाउन चाहेका बद्री पाण्डेले यो पटक अवसर नपाउने सम्भावना धेरै देखिएको ति नेताले बताए । सुदूरपश्चिमबाट आरजु र लेखक बन्ने भएपछि क्षेत्रगत हिसाबले पाण्डेको नाम नपर्ने सम्भावना बढेको छ । पाण्डेले नपाउने भएपछि शेखरले चन्द्र भण्डारी र सहमहामन्त्री जीवन परियारलाई पठाउने सम्भावना बढी छ । तर, संजय गौतम, दीपक गिरी र रामनाथ अधिकारीले पनि दवाव दिइरहेका छन् । रामनाथ अधिकारीलाई यो पटक मन्त्री बनाउनुपर्ने दवाव पनि कोइरालामाथि छ ।
उपसभापति धनराज गुरुङले अघिल्लो पटक धीत मर्ने गरी काम गर्न नपाएको भन्दै यो पटक पनि जान कोसिस गरिरहेका छन् । मधेशबाट अजय द्विवेदी, अजय चौरासिया, रामकृष्ण यादव मन्त्री बन्ने चर्चामा छन् । राजन केसी र दीपक खड्का पनि मन्त्रीको दौडधुपमा छन् । राष्ट्रपति र डा. शशांक कोइरालाको तर्फबाट उनीहरू प्रयासमा छन् । डा. सुनिल शर्माले पनि यो पटक मन्त्री बन्ने अवसर पाउने छैनन् ।
शशांकलाई सभापति बनाउने लाइनमा लागेपछि उनको सम्भावना घटेको छ । शशांक आफैले पनि कृषिमन्त्री बन्ने चाहना राखिरहेका छन् । मन्त्रीको दौडमा रामहरि खतिवडा पनि छन् । उपसभापति पूर्णबहादुर खड्काको साथ लिएर मन्त्री बन्ने प्रयासमा उनी छन् । यो समीकरणमा खड्काको प्रभाव खासै नदेखिएकाले देउवाले उनलाई कति साथ दिन्छन् भन्ने कुराले पनि रामहरिको चाहना निर्भर हुने देखिन्छ ।
ज्ञानेन्द्र कार्कीलाई पार्टी कोषाध्यक्षको आस देखाएर देउवाले रोकेका छन् । कोषाध्यक्षको चाहना राखेका अर्का उद्योगपति सांसद विनोद चौधरी त्यो नभए यो भन्दै मन्त्री भएपनि हुन्छ भनिरहेका छन् । कांग्रेसले गृह छाडेर अर्थ लियो भने देउवा पक्षबाट मन्त्री बन्ने लाइनमा भएकाहरू फेरबदल हुने सम्भावना देखिन्छ । अरु सहमहामन्त्रीहरू पनि मन्त्रीका आकांक्षी छन् । यसैले देउवाले कोइराला र गगनलाई चाँडो नाम दिन भनेका हुन् ।
यसअघि कांग्रेसबाट गृहमन्त्री बनेर कृष्णप्रसाद सिटौला जाने भन्ने चर्चा थियो । तर, उपप्रधानमन्त्री नराख्ने भनिएको छ । उपप्रधानमन्त्री नै राखे पनि सिटौला संवैधानिक हिसाबले मन्त्री बन्न नमिल्ने अवस्था छ । प्रतिनिधि सभामा हारेको व्यक्ति त्यो कार्यकाल भरी मन्त्री बन्न नपाउने व्यवस्था भएकाले राष्ट्रिय सभामा भएपनि सिटौला रिङबाटै आउट भएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराज्यसंयन्त्रमा कमजोरीः प्रधानमन्त्रीले तीन मन्त्री र मुख्यसचिवसँग किन गरे छलफल ?
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
असोज १८, २०८१ शुक्रबार
अख्तियारले दोहोर्याएर किन छापा हान्यो ‘क्यान’मा ?
असोज १६, २०८१ बुधबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
कर्णालीले जित्यो एभरेस्ट महिला भलिबल लिगको उपाधि
नेपालबहस संवाददाता
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
नेपालबहस संवाददाता
असोज १९, २०८१ शनिबार
कर्णालीले जित्यो एभरेस्ट महिला भलिबल लिगको उपाधि
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
असोज १९, २०८१ शनिबार
सातै प्रदेशमा अटिजम बालबालिकाका अभिभावकलाई तालिम केन्द्र विकास गर्ने तयारी
असोज २०, २०८१ आइतबार
धरानमा तालिम प्राप्त कुकुरसहित प्रहरी चेकजाँच सुरु
असोज २०, २०८१ आइतबार
गाजास्थित मस्जिदमा भएको इजरायली आक्रमणमा २१ जनाको मृत्यु
असोज २०, २०८१ आइतबार
पदमार्ग र अन्नपूर्ण आधार शिविरमा खेलाडीद्वारा सरसफाइ
असोज २०, २०८१ आइतबार
प्रधानमन्त्री उद्धार कोषमा नेपाल बैंकको दुई करोड
असोज २०, २०८१ आइतबार
दाउन्नेमा भासिएको सड्कको दुईतर्फी सञ्चालनमा
असोज २०, २०८१ आइतबार