मन्त्रीले कांग्रेसमा असन्तुष्टिः देउवाको दैलो नटेक्ने राठाैरको कसम, दलित समुदाय र भण्डारीले दुखाए चित्त
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार ३१, २०८१ सोमबार १४:१५:४
![](https://nepalbahas.prixacdn.net/media/albums/rathor_bhandari_PGfSjqu0zb_lqRlELRjNO.png)
३१ असार, काठमाडौं । नेपाली कांग्रेसले केपी ओली नेतृत्वको सरकारमा १० जना मन्त्री पठाएको छ । तर, मन्त्रीहरूले कार्यभार नसम्हाल्दै मन्त्री छान्दा चर्चामा आएका केही नाम परेनन् । पाउनै पर्ने केहीले पाएनन् । मन्त्रालय पनि राम्रा जति सभापति शेरबहादुर देउवा पक्षकाले मात्र पाए भन्ने आवाज कांग्रेसमा सुनिन थालेको छ । मन्त्री नबनाएका कारण केही नेता सभापति देउवा र शेखर कोइरालासँग निकै असन्तुष्ट देखिन्छन् ।
असार १७ गते ओली नेतृत्वमा नयाँ सरकार बनाउने कांग्रेस र एमालेमा सहमति भएपछि त्यो सरकारमा मन्त्री बन्न चाहनेहरूले दौडधूप बढाएका थिए । कांग्रेसबाट सहमहामन्त्री किशोर सिंह राठाैर, रमेश लेखक र आरजु राणा देउवाको सुरुमा चर्चा थियो । चर्चा चल्दै गर्दा प्रकाशमान सिंह अगाडि आए र उनैले कांग्रेसका मन्त्रीहरूको नेतृत्व पनि गरे । कोइराला समूहबाट सहमहामन्त्री जीवन परियार र डा. चन्द्र भण्डारीको नाम आएको थियो । तर, उनीहरू दुवै परेनन् ।
सभापति देउवाले अगाडि नै बचन दिएको र पार्टीमा उनकै पक्षमा धेरै लडेका सहमहामन्त्री किशोर सिंह राठाैरलाई यो पटक मन्त्री बनाउने पक्का जस्तै थियो । तर, अन्तिममा आएर देउवा र राठाैरको कुरा मिलेन । देउवाले राठाैरलाई मन्त्री बनाउन नसकिने संकेत गरे । उनी निकट नेताहरूका अनुसार बूढानीलकण्ठमा राठाैर र देउवाको यस विषयमा भनाभन नै भयो । देउवाले नदिने मनस्थिति नै बनाएपछि राठाैर निकै आक्रोशित पनि भए ।
उनले देउवालाई आफूले जीवनभर गारोसारो परेका समयमा सहयोग गरेको तर, त्यो गुन देउवाले बिर्सिएको बताए । शुक्रबार अन्तिम समयमा पनि पार नलाग्ने भएपछि राठाैरले देउवाकै अगाडि ‘तिम्रो दैलो जिन्दगीभर टेक्दिन’ भन्दै कसम खाएर बुढानीलकण्ठबाट बाहिरिएका थिए । यसपछि उनी नेपालगञ्ज गएको नेताहरूको भनाइ छ । नेताहरूका अनुसार उनी आइतबार रातीसम्म फोन गरेर बोलाउँदा पनि बुढानीलकण्ठ फर्किएनन् ।
अहिले देउवा समूहकै नेताहरु राठाैरलाई मन्त्री नदिएर देउवाले गल्ती गरेको भन्न थालेका छन् । यस्तै चर्चामा थिए सहमहामन्त्री जीवन परियार र चन्द्र भण्डारी पनि । चन्द्र भण्डारीलाई अहिले मन्त्री बनाउनै पर्ने भन्दै एक समूह लागेकाे पनि थियो । तर, उनले अन्तिममा आएर मौका पाएनन् । मन्त्री नपाएपछि उनले ‘कतिपय घटनाहरू आनन्ददायी र शिक्षामुलक हुन्छ, दुःखी र धेरै खुशी हुनुपर्दैन, समयको प्रतीक्षा’ भन्दै स्टाटस लेखेका छन् । आफूलाई मुल्यांकन नगरेको प्रति उनको चित्त दुखाई देखिन्छ ।
अर्को चर्चामा जीवन परियारले पनि मौका पाएनन् । उनलाई मन्त्री नबनाइँदा मन्त्रिपरिषद नै दलितबिनाको भएको छ । परियारले कुनै प्रतिक्रिया नजनाए पनि समग्र दलित समुदायले कांग्रेसमाथि प्रश्न उठाएको छ । सहभागितामुलक समाज र नेतृत्वको परिकल्पना गरेको कांग्रेसले कोटामा दलित समुदाय नराख्नु आफैंमा पनि प्रश्न हो । आज संसदको सबैभन्दा ठूलो दल नेपाली कांग्रेसबाट ओली नेतृत्वको सरकारमा १० जना मन्त्री बनेका छन् ।
एमालेसँग मिलेर सरकार बनाउने काम सुरु भएदेखि नै उपसभापति पूर्णबहादुर खड्का पनि देउवासँग असन्तुष्ट बनेका थिए । एमालेसँगको सहमति प्रक्रियामा नै आफूलाई सहभागी नगराइएको भन्नेमा उनको दुखेसो थियो । पछि मन्त्री बनाउने कुरा पनि उनी सभापति देउवासँग भएनन् । उनले आफूलाई छाडेर इतर समूहका शेखर कोइरालालाई च्यापेको भन्ने आरोप पनि लगाएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएकीकृत समाजवादीमा झाँक्री गुटबन्दीको शिकार, कस्तो बन्यो पदाधिकारी ?
भदौ १३, २०८१ बिहिबार
खोटाङको चेकेथुम पहिरोको उच्च जोखिममा
भदौ १३, २०८१ बिहिबार
आजको विनिमयदर : अमेरिकी डलर बढ्यो, युरो घट्यो
भदौ १३, २०८१ बिहिबार
कोशी, गण्डकी, लुम्बिनी र कर्णाली प्रदेशका केही स्थानमा भारी वर्षा हुने
भदौ १३, २०८१ बिहिबार
कस्तो छ तपाईको आजको राशीफल ?
भदौ १३, २०८१ बिहिबार
वीरगञ्जको साझा औषधी पसलको बदमासी खरिद गरिएको स्लाइनभित्र भेटियो फोहोरसहितको लेदो
भदौ १२, २०८१ बिहिबार