सातौं संस्करणको बीआईबी अन्तर विद्यालय बास्केटबल प्रतियोगिता

१७ साउन, काठमाडौं । विद्यार्थीको क्षमता अभिवृद्धि तथा खेल मार्फत सद्भाव बढाउने उद्देश्यका साथ सातौं संस्करणको बीआईबी अन्तर विद्यालय बास्केटबल प्रतियोगिता बिहीवारदेखि सुरु भएको छ । कुल १६ विद्यालयको सहभागिता रहने यस प्रतियोगिता आजदेखि बौद्ध इन्टरनेशनल स्कुलमा बिहीबारदेखि सुरु भएको हो ।

“खेलकुदलाई स्वास्थ्यसँग मात्रै नजोडेर यसलाई संस्कारको रुपमा स्थापित गर्नको लागि यो प्रतियोगिता आयोजना गरिदैं आएको छ । विद्यार्थी र स्कुलबीच नै सम्बन्ध स्थापित गर्नको लागि यो प्रतियोगिता नियमित रुपमा आयोजना गर्दै आएको छौं ।” बौद्ध इन्टेनेशनलका सह-प्राध्यापक दिपेश महर्जनले जानकारी दिए । 

यो संस्करणको बास्केटबल प्रतियोगितामा छात्र तर्फ १२ र छात्रा तर्फ १० नयाँ टीम सहभागी हुने भएका छन् । यस वर्ष कुल १६ छात्र र १५ छात्रा समूहले उपाधिका लागि प्रतिस्पर्धा गर्नेछन् ।