प्रभु बैंकको अर्को झुट, बैंकले पैसा जम्मा गर्दा दिएको रसिद कसरी भयो नक्कली ?
नेपालबहस संवाददाता
साउन २३, २०८१ बुधबार १५:२६:३६
प्रभु बैंकको अर्को झुट, बैंकले पैसा जम्मा गर्दा दिएको रसिद कसरी भयो नक्कली ?
२० साउन, काठमाडौं । एकपछि अर्को गर्दै ग्राहकलाई झुक्याउँदै आएको प्रभु बैंक लिमिटेडले झापाको बिर्तामोड शाखाबाट हराएको १ करोड १९ लाख रकमका विषयमा अर्को अपत्यारिलो झूट बोलेको छ । बैंकले उक्त रकम जम्मा गर्दा दिएको रसिद अहिले आएर नक्कली भएको दावी गरेको छ । बैंकमा पैसा जम्मा गरेपछि आफैंले दिएको रसिदलाई बैंकले आफ्नाे नभएर नक्कली भएको दावी गरेको हो ।
झापाको बिर्तामोडमा रहेको प्रभु बैँकको शाखामा कार्यरत बजार प्रबन्धक प्रमोद सिटौलाले ग्राहकको १ करोड १७ लाख रकम हिनामिना गरेका थिए । बैंकको कार्यकारी बोर्ड नै अहिले सिटौलाको बचाउमा लागेको छ । झापा बिर्तामोडका मञ्जु नेपालले राखेको फिक्स डिपोजिट खाताबाट सिटौलाले राखेको १ करोड १७ लाख रकम अपचलन भएपछि बैंकले आफूले दिएको रसिद पनि नक्कली भएको दावी गरेको हाे ।
बैकमा मार्केटिङ म्यानेजरको रूपमा कार्यरत सिटौला भने अहिले फरार रहेका छन् । बैंकमा कार्यरत सिटौला फरार भएका कारण घटनाका विषयमा अनुसन्धान भइरहेको समयमा बैंकले आफूले दिएको रसिद नै नक्कली भएको दावी गरेको छ तर, प्रभु बैंकको यो झूट सही नहुने बैंककै कर्मचारीहरू बताउँछन् । बैंकले मञ्जुकुमारी नेपालको खातामा रहेको भनिएको मुद्दती निक्षेपको रकम नभएको र उक्त खातामा जम्मा गरिएको रसिद, व्यालेन्स सर्टिफिकेट र स्टेटमेण्ट पनि नक्कली भएको जनाएको छ ।
बैंकले एक प्रेस विज्ञप्ति जारी गर्दै उक्त मुद्दती खाताको रसिद, व्यालेन्स सर्टिफिकेट र स्टेटमेण्ट बैंकबाट जारी गरिएको नभएर नक्कली रहेको जनाएको हो । तर, मञ्जुकुमारीले बैंकमा रहेको आफ्नो खातामा जम्मा गरिएको एक करोड १९ बाट एक करोड १० मुद्दती खातामा जम्मा गरिएको रकम अवधि सकिएपछि फिर्ता माग्न जाँदा खातामा रकम नभएको जवाफ आएको थियो ।
बैंकभित्र भएको वित्तीय अपराधमा संलग्न कर्मचारीलाई कर्बाही गर्नुपर्नेमा बैंकका सीईओ अशाेक शेरचनले नै संरक्षण गरेको पीडितको गुनासो छ । घटना बाहिरिएपछि बैंकका मार्केटिङ म्यानेजर सिटौला गत बुधबारदेखि सम्पर्कबिहीन छन् । घटनाको छानबिन गरि दोषीलाई कार्बाही गर्ने आश्वासन दिएको बैंकले भने रकम जम्मा गरेको प्रमाण नै नक्कली रहेको हास्यास्पद जवाफ दिएर उम्किने प्रयास गरिरहेको छ ।
बैंकको नाममा जम्मा गरिएको मुद्दती निक्षेपको रसिद त नक्कली भन्ने कुराले बैंकलाई नै अप्ठ्यारो पार्ने पनि देखिन्छ । बैंकले दिने व्यालेन्स सर्टिफिकेट र स्टेटमेण्ट कसरी नक्कली बन्यो भन्ने कुराको पनि उसले जवाफ दिनुपर्ने देखिएको छ । बैंकले नक्कली व्यालेन्स सर्टिफिकेट बनाउने काम गरिरहेको कुरा उसको विज्ञप्तिले नै पुष्टि पनि गर्न खोजेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपहायात होटलको जग्गा भाडा विवादः पर्यटन समितिले छानबिन गर्दै
भदौ ३१, २०८१ सोमबार
डीएसपी सरुवाः इन्चार्जमा ३० सीट तर सयभन्दा बढीको दावी
भदौ ३१, २०८१ सोमबार
प्रहरीको ३० वर्षे सेवा अवधि ३ चरणमा हटाउने प्रस्ताव
भदौ ३०, २०८१ आइतबार
प्रहरीको ३० वर्षे सेवा अवधि ३ चरणमा हटाउने प्रस्ताव
नेपालबहस संवाददाता
भदौ ३०, २०८१ आइतबार
संवैधानिक परिषदमा प्रचण्डको अस्वाभाविक बार्गेनिङ !
नेपालबहस संवाददाता
असोज १, २०८१ मंगलबार
संवैधानिक परिषदमा प्रचण्डको अस्वाभाविक बार्गेनिङ !
असोज १, २०८१ मंगलबार
कांग्रेस लुम्बिनी प्रदेशसभा सचेतक गिरीले दिइन् पदबाट राजीनामा
भदौ ३१, २०८१ सोमबार
अमेरिकामा इन्ट्रा कप भलिबल, रुकुम र बेलमण्ट विजयी
असोज १, २०८१ मंगलबार
नेपाल एयरलाइन्सलाई दिएको ऋण चाँडो उठाउन सञ्चय कोषलाई अर्थमन्त्रीको निर्देशन
असोज १, २०८१ मंगलबार
फिल्म ‘मायावी’ को रिलिज मिति पछि सर्यो
असोज १, २०८१ मंगलबार
खोलाले बगाएर बेपत्ता तीर्थयात्रीको शव फेला
असोज १, २०८१ मंगलबार
करिब २ सय ९६ किलो गाँजासहित महोत्तरी र मोरङबाट चार जना पक्राउ
असोज १, २०८१ मंगलबार