उपप्रधानमन्त्री सिंह र गृहमन्त्री लेखकलाई भेटे भारतीय विदेश सचिव मिस्रीले

२८ साउन, काठमाडौं । भारतीय विदेश सचिव विक्रम मिस्रीले उपप्रधान तथा सहरी विकास मन्त्री प्रकाशमान सिंह र गृहमन्त्री रमेश लेखकसँग भेटवार्ता गरेको छ । दुई दिने भ्रमणको क्रममा हिजो नेपाल आएका भारतीय बिदेश सचिव मिस्री आज उपप्रधानमन्त्री सिंह र गृहमन्त्री लेखकलाई सिंहदरबार पुगेर भेटेका हुन् ।  

मिस्रीले र लेखकसँग मन्त्रालयमा भएको भेटवार्तामा समसामयिक विषयमा कुराकानी भएको गृहमन्त्रीको सचिवालयले जनाएको छ । आइतबार नेपाल आएका उनले सोही दिन प्रधानमन्त्रीसहित विभिन्न दलका नेताहरुसँग भेट गरेका थिए । अफ्नो भ्रमण पुरा गरेर उनी आजै स्वदेश फर्किँदैछन् ।