हुम्लाको सर्केगाड गाउँपालिका उपाध्यक्ष कार्कीको गाडी दुर्घटनामा निधन

४ भदौ, सुर्खेत । हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको दुर्घटनामा निधन भएको छ । सोमबार सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका–५ मा दुर्घटना हुँदा उपाध्यक्ष कार्कीको मृत्यु भएको हो ।

उपाध्यक्ष कार्कीको दुर्घटना लगत्तै उपचारका लागि नेपालगन्ज मेडिकल कलेज लगिएको थियो । उपचारको क्रममा राति उनको निधन भएको सुर्खेतका प्रहरी उपरीक्षक रुपेश खड्काले जानकारी दिए । ३९ वर्षीया कार्की नेकपा माओवादी केन्द्रको तर्फबाट सर्केगाड गाउँपालिका उपाध्यक्ष निर्वाचित भएका थिए  ।