कोशीका पूर्व मुख्यमन्त्री केदार कार्कीलाई अनशनबाट हटाउन खोज्दा झडप

२५ भदौ, विराटनगर । निषेधित क्षेत्रमा आमरण अनशन बसेका कोशी प्रदेशका पूर्वमुख्यमन्त्री केदार कार्कीका समर्थक र प्रहरीबीच खोज्दा झडप भएको छ । १० वर्षमुनिका बालबालिकाको विशिष्टिकृत उपचार सेवा निःशुल्क माग गर्दै प्रदेश सभा अगाडि अनशन बसेका कार्कीलाई प्रहरीले बल प्रयोग गरेर अनसन स्थलबाट हटाउन खोज्दा प्रहरीसँग दोहोरो झडप भएको हो । 

आफू नेतृत्वको सरकारले शुरु गरेको योजना काटेको भन्दै कार्की आमरण अनसनमा आज ४ बजेबाट बसेका थिए । कार्कीले अनशन सुरु गर्ने बताएपछि जिल्ला प्रशासन कार्यालय मोरङले दिउँसो ३ बजेदेखि त्यस क्षेत्रलाई निषेधित क्षेत्र घोषणा गरेको थियो ।   यस अघि पनि संवेदनशील क्षेत्रको रुपमा लिँदै सो क्षेत्रमा प्रशासनले निषेधाज्ञा लगाउँदै आएको थियो ।