पूर्वमुख्यमन्त्री केदार कार्की अनशन स्थलबाटै पक्राउ

२५ भदौ, विराटनगर । कोशी प्रदेशका पूर्वमुख्यमन्त्री केदार कार्कीलाई प्रहरीले अनसन स्थलबाट पक्राउ गरेको छ । निषेधित क्षेत्र प्रदेश सभा अगाडि अनसन बसेका उनलाई अनशन बसेकै स्थलबाट पक्राउ गरेको हो । सो क्रममा सुरक्षाकर्मी र केदार समर्थकबीच दोहोरो झडप भएको छ । झडपपछि कार्की र उनका केही समर्थकलाई प्रहरीले नियन्त्रणमा लिएको हो । नियन्त्रणमा लिइएकाहरुको संख्या यकिन छैन । झडपमा परेर केही अनशनकारी र प्रहरी घाइते भएका छन् ।