उपसभामुख विवादले प्रधानन्यायाधीश सिफारिसका लागि डाकिएको संवैधानिक परिषद्को बैठक स्थगित

२६ भदौ, काठमाडौं । प्रतिनिधिसभाकी उपसभामुख इन्दिरा राना मगर विवादले बुधबार साँझ डाकिएको संवैधानिक परिषदको बैठक स्थगित भएको छ । प्रधानमन्त्री केपी शर्मा ओलीले ५ बजे बस्नेगरी बोलाइएको बैठक स्थगित भएको हो ।

आजको बैठकमा प्रधानन्यायाधीश सिफारिसको विषयमा छलफल गर्ने भनिएको थियो । तर, उपसभामुख इन्दिरा रानालाई सत्तारुढ दल कांग्रेस र एमालेले उपसभामुखबाट हटाउने तयारी गरिरहेका भन्दै प्रतिपक्षीहरुले विरोध गरिरहेका छन् । उनलाई बैठकमा उपस्थित हुन असहज हुने अवस्था सिर्जना भएको छ । 

संवैधानिक परिषदमा प्रधानमन्त्री, प्रधान न्यायाधीश, प्रतिनिधि सभाको सभामुख, राष्ट्रिय सभाको अध्यक्ष, प्रतिनिधि सभाको विपक्षी दलको नेता र प्रतिनिधि सभाको उपसभामुख सदस्य रहन्छन् ।