बागलुङको गलकोटमा गाडी दुर्घटना, तीन जनाको मृत्यु

२८ भदौ, पोखरा । बागलुङको गलकोट नगरपालिका वडा नम्बर २ भुङखानीमा सरकारी गाडी दुर्घटना हुँदा तीन जनाको मृत्यु भएको छ । मध्यपहाडी लोकमार्ग अन्तर्गत भएको सो दुर्घटनमा एक जना घाइतेको भएका छन, प्रहरीका अनुसार उनको अवस्था गम्भीर छ ।

नरेठाँटी प्रहरी चौकीका अनुसार रा १ झ २०० नम्बरको सरकारी पिकअप गाडी आज बिहान पौने ९ बजेतिर सडकबाट करिब ३ सय मिटर तल खस्दा दुई महिला र एक पुरुषको घटनास्थलमै मृत्यु भएको हो ।

शव भिरमा अप्ठ्यारो ठाउँमा रहेकाले निकाल्न कठिन भइरहेको प्रहरीले जनाएको छ । मृतकको पहिचान पनि खुलेको छैन । एक जनालाई घाइते अवस्थामा उद्धार गरी उपचारका लागि धवलागिरि अस्पताल बागलुङ पठाइएको छ । थप विवरण आउन बाँकी छ ।