दुई वटा क्रेनले खोजिरहेको छ भोटेकोसी नदीमा खसेको जिप, यात्रुको यकिन हुन बाँकी

२८ भदौ, सिन्धुपाल्चोक । सिन्धुपाल्चोकको तातोपानीबाट बाह्रबिसे आउँदै गरेको बोलेरो जिप भोटेकोसीमा खसेको छ । नम्बर नखुलेको जिप बाह्रबिसे नगरपालिका– ६ बोर्डरल्यान्डबाट भोटेकोसीमा खसेको हो ।

यसलाई निकाल्ने प्रयास भइरहेको छ ।  जिप दिउँसो २ बजे नदीमा खसेको हो । जिपमा कति जना सवार थिए भन्ने खुलेको छैन । 

जिल्ला प्रहरी कार्यालयका सूचना अधिकारी डिएसपी निरञ्जन भट्टराईले दिएको जानकारीअनुसार जिप कसको हो भन्ने खुलेको छैन ।

भोटेकोसीमा ठूलो बाढी आएकाले जिप झिक्न सकिएको छैन । नेपाली सेना, सशस्त्र प्रहरी र जनपथ प्रहरी उद्धारमा खटिएर दुईवटा क्रेनले जिप तान्ने प्रयास भइरहेको छ ।