डेढसय यात्रु लिएर काठमाडौं आउनुपर्ने निगमको न्यरोबडी दुबईमै थन्कियो

२९ भदौ, काठमाडौं । दुबईबाट गएराति नेपाल फर्किनुपर्ने नेपाल एयरलाइन्सको न्यारोबडी जहाज उतै रोकिएको छ । काठमाडौं फकर्ने बेलामा ल्यान्डिङ गियरसँग सम्बन्धित हाइड्रोलिकमा समस्या देखिएपछि दुबईमै रोकिएको छ । यसमा १५० यात्रुले टिकट काटेका थिए ।  

यो जहाज शुक्रबार राति ११ः५२ बजे त्रिभुवन अन्तर्राष्ट्रिय विमानस्थलबाट दुबई उडेको थियो । उक्त जहाज दुबईबाट स्थानीय समय अनुसार ३ः५५ बजे नेपाल फर्किनुपर्ने तालिका थियो । तर, ल्यान्डिङ गियरसँग सम्बन्धित हाइड्रोलिकमा समस्या देखियो । निगमका अनुसार अहिले स्पेयर पार्टस जडान गरी नेपाल फर्काउने प्रयास भइरहेको छ । 

यो विमानबाट आज बिहान पौने १० काठमाडौंमा अवतरण भइसक्नुपर्ने तालिका थियो । तर, निगमसँग अर्को जगेडा विमान नभएकाले घर फर्किँदै गरेका १ सय ५० नेपाली कामदारसहितका यात्रु उतै अलपत्र परेका छन् । ती यात्रुलाई निगमले खर्च ब्यहोर्ने गरी होटलमा राखिएको बताइएको छ ।