संसदीय सुनुवाइ समितिको बैठक स्थगित, १७ देशका राजदूतको अनुमोदन पर सर्यो

३० भदौ, काठमाडौं । संसदीय सुनुवाइ समितिको बैठक स्थगित भएको छ । प्रस्तावित १७ देशका राजदूतबारे निर्णय गर्न डाकिएको समितिको बैठक अर्को सूचना जारी नभएसम्म स्थगित भएको हो । आइतबार बिहान ११ बजेका लागि समितिको बैठक डाकिएको थियो । 

सरकारले गएको साउन १४ गते एकसाथ १८ देशका निम्ति राजदूतमा विभिन्न व्यक्तिका नाम सिफारिस गरेको थियो । तीमध्ये एक जनाको नाम सरकारले फिर्ता लिएको थियो । सुनुवाइका निम्ति १७ जनाको नाम पठाइएको थियो । यस अघि सुनुवाइ गरेको समितिले आज निर्णय गर्ने कार्यसूची रहेको थियो ।