प्रधानन्यायाधीश नियुक्ति नभएसम्म सर्वोच्चले अन्य न्यायाधीश नपाउने, हाल ६ वटा इजलास खाली
नेपालबहस संवाददाता
असोज २, २०८१ बुधबार ११:२४:४
२ असोज, काठमाडौं । राजनीतिक खिचातानी र भागबण्डाले गर्दा लामो समयदेखि सर्वोच्च अदालतमा न्यायाधीश नियुक्ति हुन सकेको छैन । अहिले १५ जना न्यायाधीशले काम चलाइरहेका छन् । मुद्दाको चाप बढिरहेको र न्यायाधीशको संख्या कम भएकाले न्याय सम्पादनमा असर पर्न थालेको छ । प्रधानन्यायाधीश विश्वम्भरप्रासद श्रेष्ठ पनि विदामा बसेका छन् ।
राजनीतिक भागबण्डा मात्र हैन, पछिल्लो समय बार र बेन्चबीच असमझदारी बढेर गएको छ । यसले गर्दा उच्च अदालतमा पनि न्यायाधीश नियुक्ति हुन सकेको छैन । न्यायपरिषदको बैठक पटक पटक बसेर पनि न्यायाधीश सिफारिस गर्न सकेन । ६५ वर्षे उमेर हदका कारण प्रधानन्यायाधीश श्रेष्ठले असोज २० मा अनिवार्य अवकाश पाउँदैछन् । उनीबाहेक ५ न्यायाधीशको दरबन्दी सर्वोच्चमा रिक्त छ ।
प्रधानन्यायाधीश श्रेष्ठले मुद्दा हेर्न छाडेपछि ६ वटा इजलास खाली हुन्छन् । कुल २१ न्यायाधीश रहने संवैधानिक व्यवस्था भएको सर्वोच्च अदालतमा ६ दरबन्दी खाली हुनु भनेको सामान्य कुरा होइन । प्रधानन्यायाधीश श्रेष्ठले आफू बिदा बस्नुअघि नै न्यायपरिषदको बैठक डाकेर रिक्त पदमा नियुक्तिका लागि सिफारिस गर्ने प्रयास गरेका थिए । तर, न्यायपरिषद नियमावली नसच्याएसम्म नियुक्ति गर्न नदिने भन्दै नेपाल बारले विरोध जनाउँदै रोक्ने काम गर्यो ।
सर्वोच्च अदालतमा रिक्त ५ न्यायाधीशको नियुक्तिका लागि भने न्यायपरिषद्ले सिफारिस गर्नुपर्नेछ । यसका लागि अब सबैभन्दा पहिलो प्रधानन्यायाधीशको नियुक्त हुनुपर्छ । प्रधानन्यायाधीशमा भर्खर प्रकाशमानसिंह राउत सिफारिस भएका छन् । उनको संसदीय सुनुवाइ हुन बाँकी नै छ । संसदीय सुनुवाइ समितिले उजुरी पनि आह्वान गरेको छैन । श्रेष्ठ प्रधानन्यायाधीश भएको तीन महिनापछि गत मंसिर ५ मा ६ न्यायाधीशको सिफारिस भएको थियो ।
जसमा उच्च अदालतका ४ न्यायाधीश शारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना र दुई कानुन व्यवसायीहरू सुनिलकुमार पोखरेल तथा बालकृष्ण ढकाल नियुक्त भएका थिए । त्यसयता न्यायाधीशहरू अवकाश हुँदै गए पनि नियुक्ति भने हुन सकेको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएनआरएन विवादमा मिसिल झिकाउने आदेश
भदौ ३१, २०८१ सोमबार
नदी किनारमा २० मिटर मापदण्डबारे सरकारले दर्ता गरायो सर्वोच्चमा भ्याकेट निवेदन
भदौ ३१, २०८१ सोमबार
प्रतिवेदन अनुसार रविलाई कारवाही भए चार वटा मुद्धा चल्ने
नेपालबहस संवाददाता
असोज १, २०८१ मंगलबार
संवैधानिक परिषदमा प्रचण्डको अस्वाभाविक बार्गेनिङ !
नेपालबहस संवाददाता
असोज १, २०८१ मंगलबार
लेबनानको विमानस्थलमा पेजर र वाकीटकी प्रतिबन्ध
असोज ३, २०८१ बिहिबार
आजदेखि सुरु गर्यो सहुलियत पसल : चामल र दालमा प्रतिकेजी ५ रुपैयाँ छुट ! [ फोटो फिचर ]
असोज ३, २०८१ बिहिबार
भक्तपुरमा अत्याधुनिक र सुविधा सम्पन्न वीर अस्पताल निर्माणको प्रकृया अघि बढाइने
असोज ३, २०८१ बिहिबार
असोज ७ देखि मुगुमा सुपथ मूल्य पसल सञ्चालन हुने
असोज ३, २०८१ बिहिबार
पहिलो दिनमै पचीस सय सर्वसाधारणले चढे धरहरा
असोज ३, २०८१ बिहिबार