सिटिजन्स बैंकको स्मार्ट हब सञ्चालनमा, बैंकले आश्विन महिनाभर डिजिटल कारोबारलाई प्रोत्साहन गर्ने

३ असोज, काठमाडौं । सिटिजन्स बैंक इन्टरनेसनलले ‘स्मार्ट हब’ सेवा सञ्चालनमा ल्याएको छ । बैंकले कर्पोरेट कार्यालयमार्फत बुधबारदेखि उक्त सेवा सञ्चालनमा ल्याएको हो ।

बैंकका प्रमुख कार्यकारी अधिकृत गणेशराज पोखरेलले उक्त हब सार्वजनिक गरे । कर्पोरेट कार्यालयबाट सुरु गरिएको उक्त सेवा आगामी दिनमा अन्य स्थानमा सञ्चालन गरिने उनले जानकारी दिए ।

स्मार्ट हबमा राखिएका चेक जम्मा गर्ने मेसिनबाट ग्राहकले क्लियरिङ चेक डिपोजिट गर्ने, बैंक खाताको विवरण हेर्ने र बैंक खाताको स्टेटमेन्ट प्रिन्ट गर्न मिल्ने सुविधा उपलब्ध रहेको बैंकले बताएको छ । स्मार्ट हबमा रहेको क्यास डिपोजिट मेसिनबाट ५ सय र १ हजार रुपैयाँका नोट जम्मा गर्न सकिने जनाइएको छ ।