आफ्ना कार्यकर्ता मारिएको विरोधमा विप्लवको नेपाल बन्द, उपत्यकामा कम प्रभाव

काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले आफ्ना कार्यकर्ता मारिएको विरोधमा आह्वान गरेको बन्दको प्रभाव काठमाडौँ उपत्यकामा कम देखिएको छ ।

भोजपुरमा आफ्ना कार्यकर्ता मारिएको विरोधमा विप्लव नेतृत्वको नेकपाले सोमबार नेपाल बन्द आह्वान गरेको हो।

आज विप्लवको बन्द भएपनि उपत्यकामा बिहानैदेखि सार्वजनिक गाडी चलेका छन् । तर अघिल्ला दिनको तुलनामा केही कम भने देखिएका छन् । निजी सवारी साधान भने नियमित जस्तै चलेका छन् ।

काठमाडौँ उपत्यकाका विभिन्न ठाउँमा आइतबार बेलुका बम बिस्फोट भएपछि सुरक्षा सतर्कता बढेको छ । विभिन्न ठाउँमा बम तथा शंकास्पद बस्तु भेटिने क्रम जारी छ । तर पनि काठमाडौँ उपत्यकामा बन्दको प्रभाव कम मात्रै परेको छ ।