बैंकको ऋण नतिनुर्हाेस् !

काठमाडौं । असार ३१ अर्थात आर्थिक वर्षको अन्तिम दिन । कारोवार क्लिरेन्स गर्नुपर्ने आजको दिन भएपनि बैंकहरुले ऋणको सावा ब्याज भुक्तानीका लागि तपाइलाई अहिलेनै कडाइ नगर्ने भएका छन्,कारण राष्ट्र बैंकले समय थपिदिएको हो । सामान्यतया बैंकहरुले आर्थिक बर्ष सकिने वित्तिकै ऋणीलाई बारम्बार फोन गरेर समयमै साँवा व्याज भुक्तानीका लागि दबाब दिने गरेका छन् ।

साउन १५ गतेसम्म यस्तो ऋण भुक्तान गर्नुपर्ने व्यवस्था छ । तर अब राष्ट्र बैंकले १५ दिनको समय थप गरिदिएर साउनभरीको समय उपलब्ध गराएको छ । यसले ऋणीलाई राहत मिल्नेछ ।

नेपाल राष्ट्र बैंकले बैंक तथा वित्तिय संस्थालाई परिपत्र जारी गर्दै साउन भर तिरेको साँवा ब्याजलाई बैंक तथा वित्तिय संस्थाले अघिल्लो वर्षको नाफामा गणना गर्न पाउने व्यवस्था गरेको छ । हाल आएको बाढी पहिरोका कारण केन्द्रिय बैंकले यस्तो राहत दिने व्यवस्था गरेको हो ।