कालिका पत्रकारिता पुरस्कारबाट दुई पत्रकारहरु सम्मानित

बाग्लुङ । कालिका भगवती गुठी व्यवस्थापन समिति बाग्लुङले विसं २०७५ को ‘कालिका पत्रकारिता पुरस्कार’ बाग्लुङका दुई पत्रकारलाई प्रदान गरेको छ ।

गण्डकी प्रदेशकै उत्कृष्ट धार्मिक गन्तव्यको रूपमा विकास भएको बाग्लुङ कालिका मन्दिरको थप प्रवर्धनमा सहयोग पु¥याउने उद्देश्यले स्थापना गरिएको ‘कालिका पत्रकारिता पुरस्कार–२०७५’ बागलुङका पत्रकार राजेशचन्द्र राजभण्डारी र सङ्घम घर्तीलाई बुधबार एक कार्यक्रमको आयोजना गरी प्रदान गरिएको कालिका भगवती गुठी व्यवस्थापन समितिले जनाएको छ ।

कालिका भगवती मन्दिरको प्रवर्धनमा पत्रकारितामार्फत सहयोग पु¥याएको भन्दै बागलुङका एभिन्यूज संवाददाता राजभण्डारी र नागरिक दैनिकका बागलुङ संवाददाता घर्तीलाई जनही रु सात हजार ५०० नगदसहित प्रमाणपत्रद्वारा पुरस्कार प्रदान गरिएको समितिका अध्यक्ष राजु खड्काले जानकारी दिएका छन् ।

पत्रकारिताको क्षेत्रमार्फत कालिका मन्दिरको प्रचारप्रसारमा थप योगदान पु¥याएको भन्दै पर्वत जिल्लाका पत्रकार प्रनेश गिरी र अगन्धर तिवारी तथा टिभी अन्नपूर्णलाई समेत सम्मान गरिएको थियो । कालिका भगवती गुठीले हरेक वर्ष कालिका मन्दिरको विकास तथा प्रचारप्रसारका लागि कलम चलाउँदै आएका दुई पत्रकारलाई पुरस्कृत गर्दै आएको छ ।