पूर्व पश्चिम विद्युतीय रेलमार्गको डिपिआर तयार
नेपालबहस संवाददाता
साउन १६, २०७६ शुक्रबार १:५५:१
काठमाडौं । भौतिक पूर्वाधार तथा यातायातमन्त्री रघुवीर महासेठले पूर्व पश्चिम विद्युतीय रेलमार्गको डिपिआर तयार भएको बताएका छन् ।
बिहिबार बसेको राष्ट्रियसभा बैठकमा उनले विद्युतीय रेलमार्गको मेचीदेखि कञ्चनपुरको गड्डा चौकीसम्मको भागको ९ सय ४५ किलोमिटरको डिपिआर तयार भएको बताएका हुन् । उनले सरकारले ३ सय विद्युतीय बस सञ्चालन गर्ने निर्णय गरेको बताउँदै बस खरिदका लागि साझा यातायातलाई असार ३१ गते ३ अर्ब निकासा गरेको बताए ।
काठमाडौं उपत्यकामा बिधुतिय सवारी साधानलाई व्यवस्थीत गर्न छुट्टै प्राधिकरण गठन भएको उनको भनाई छ । उनले मुलुकका सवै प्रदेशमा विद्युतीय सवारीका लागि चार्जिङ स्टेशन राख्ने सम्झौता भएको पनि जानकारी दिए ।
मन्त्री महासेठले काठमाडौं रसुवा–केरुङ र काठमाडौ–वीरगञ्ज विद्युतीय रेलमार्गका लागि प्रि फिजिबिलिटीको काम भएको बताउँदै काठमाडौं पोखरा रेलमार्गको पनि अध्ययन गर्ने बताए ।
बैठकमा सांसदहरुले नेपाल सरकारबाट लागू गरिएको वातावरणमैत्री सवारी र यातायात नीति, २०७१ र विद्युतीय सवारी सम्बन्धी राष्ट्रिय कार्ययोजनाको कार्यान्वयनको अवस्थाका सम्बन्धमा जानकारी गराउन दर्ता गराएको ध्यानाकर्षण प्रस्तावमा छलफल भएको हो ।
त्यसअघि बैठकको बिशेष समयमा बैठकमा नेकपाका सांसद खीमलाल भट्टराईले मुलुकको गौरवका रुपमा रहेको त्रिभुवन विश्वविद्यालयको केही महीनापछि रिक्त हुन लागेको उपकुलपति र पदाधिकारी दलीय भागबण्डाका आधारमा नभई खुला प्रतिस्पर्धाका आधारमा छनोट गर्ने कार्यविधि बनाउन सरकारलाई सुझाव दिए ।
नेपाली काङ्ग्रेसका सांसद राधेश्याम अधिकारीले केही दिनयता तरकारी, माछामासु र अत्यावश्यक दैनिक खाद्यवस्तुमा अत्यधिक मूल्यवृद्धि भइरहेको प्रति सरकारको ध्यानाकर्षण गराए ।
सांसद दिलकुमारी रावलले आवश्यकता र औचित्यका आधारमा नभई प्रभाव र पहँुचका आधारमा योजना बनाउने अनि एउटै ठेकेदारलाई एकपछि अर्काे थप्ने प्रवृत्तिले राज्यको विकास र समृद्धिको नारा कार्यान्वयन गर्न चुनौती खडा भइरहेको बताए ।
बैठकले राष्ट्रिय खेलकुद विकास विधेयक २०७५ सर्वसम्मतले पारित गरेको छ । राष्ट्रियसभाको अर्को बैठक साउन २२ गते बस्नेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप‘विप्रेषण विकासको दीर्घकालीन माध्यम होइन’
जेठ ३, २०८१ बिहिबार
च्याङ्ग्रा पस्मिना निर्यातसम्बन्धी निर्देशिका सार्वजनिक
जेठ २, २०८१ बुधबार
नेपालमा लगानी गर्न पोल्याण्डलाई चेम्बर अफ कमर्सको आग्रह
जेठ १, २०८१ मंगलबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
संसदीय छानबिन समिति बनाउन कांग्रेसले गरेको मागमा विपक्षी दल एकजुट
जेठ ४, २०८१ शुक्रबार
पिस कोर स्वयंसेवकको पहिलो समूहले लिए शपथ ग्रहण
जेठ ५, २०८१ शनिबार
जनकपुरमा सवारी दुर्घटनामा पत्रकार रोहिताको मृत्यु
जेठ ५, २०८१ शनिबार
बालुवाटार छलफलबाट समिति गठन हुने आश्वासन लिएर फर्कियो कांग्रेस
जेठ ५, २०८१ शनिबार
संसदको गतिरोध हटाउनेबारे सत्ता पक्ष र विपक्षीसँग छलफल गर्दै सभामुख
जेठ ५, २०८१ शनिबार
बागमतीमा विषयगत समितिको सभापति चयन गरिँदै
जेठ ५, २०८१ शनिबार
नेपाल प्रहरीका ४ एसएसपीलाई डिआइजीमा बढुवा सिफारिस
जेठ ५, २०८१ शनिबार