उत्तर कोरियाको क्षेप्यास्त्र प्रहार

काठमाडौं । नयाँ अस्त्र निर्माण र लगातारको क्षेप्यास्त्र प्रहार गरिरहेको उत्तर कोरियाले फेरि अर्को क्षेप्यास्त्र प्रहार गरेको छ । उत्तर कोरियाले दुई पटक छोटो दूरीको क्षेप्यास्त्र प्रहार गरेको दक्षिण कोरियाका अधिकारीहरूले बताएका छन् ।

स्थानीय समय अनुसार शुक्रवार बिहान सबेरै देशको पूर्वी तटीय क्षेत्रमा ती परीक्षण गरिएका थिए। अमेरिका र दक्षिण कोरियाबीच यसै महिना संयुक्त सैन्य अभ्यास गर्ने योजनाप्रतिको प्रतिक्रियाको रूपमा परीक्षणहरूलाई लिइएको बताइएको छ।

दक्षिण कोरियाको सेनाका जोइन्ट चीफ एप स्टाफ (जेसीएस) का अनुसार स्थानीय समय अनुसार विहान ०२ः५९ र ०३ः२३ मिनेटमा गरिएका ती प्रहार सी अफ जापानमा खसेका थिए।