बन्दीहरुबीच झडप हुँदा नख्खु कारागारमा एक जनाको मृत्यु

काठमाण्डौ । ललितपुरस्थित नख्खु कारागारमा रहेका बन्दीहरुबीच कुटाकुट हुँदा एकजनाको ज्यान गएको छ ।

कर्तव्यज्यान मुद्दामा कैद भोगिरहेका पवनकुमार महतोले कारागारको भुइँमा बिच्छ्याइएको ब्लकले प्रहार गर्दा पूर्णबहादुर राजी गम्भीर घाइते भएको र उपचारका लागि वीर अस्पतालमा पुर्‍यादैमा उनको मृत्यु भएको प्रहरीले जनाएको छ ।

विवादको कारण नखुलेको र उक्त घटनाको अनुसन्धान भइरहेको ललितपुर प्रहरी कार्यालयले जानकारी दिएको छ ।