नेप्सेको ४ अंकले घट्यो

काठमाडौं । साताको पहिलो दिन आज शेयर बजार ओरालो लागेको छ । शेयर कारोवार मापक नेप्से परिसुचकमा ४ दशमलव २० अंकको गिरावट आएको छ ।

४७ करोड ४१ लाख रुपैयाको कारोबार भएको नेप्से सूचक १२५९ दशमलव ६४ अंकमा रोकिएको छ । आज कारोबार भएका माइक्रोफाइनान्स र फाइनान्स भने केही फाइदामा रहेका छन्।

आज कारोबार भएकामध्ये सबैभन्दा धेरै नेपाल बैंक लिमिटेडको शेयर मूल्य ५ रुपैयाँले घटेको छ । तर स्वरोजगार र स्पर्श लघुवित्तको शेयर उल्लेख्य मात्रामा बढेको छ ।