भारतद्वारा जम्मू-कश्मीरलाई दिइएको विशेष मान्यता खारेज

एजेन्सी । भारत सरकारले जम्मु कश्मीरलाई विशेषाधिकार दिने संवैधानिक प्रावधान खारेज गरेको छ । जम्मु र कश्मीरलाई विशेषाधिकार दिएको संविधानको धारा ३७० र अनुच्छेद ३५ ए खारेज गरेको सूचना राष्ट्रपति रामनाथ कोविन्दले गरेका छन् ।

दोस्रो कार्यकालनमा पदासीन नरेन्द्र मोदी नेतृत्वको सरकारले यो सम्बन्ध सूचना राज्यसभामा पठाएको छ । जम्मु कश्मीरलाई विधानसभा सहित केन्द्रीय सरकार मातहत रहने निर्णय गरिएको केन्द्रीय गृहमन्त्री अमित शाहले तनावग्रस्त राज्य शभालाई बताए ।

यद्यपी सुरुमा अस्थायी व्यवस्थाका रुपमा कार्यान्वयन गरिएको धारा ३७० खारेजीको सम्बन्धमा भने,भारतीय संविधान स्पष्ट छैन ।

संसदको दुवै सदनले दुई तिहाईको बहुमतले संविधान संशोधन पारित गर्नुपर्ने व्यवस्था भए पनि धारा ३७० को उपधारा ३ मा राष्ट्रपतिको आदेशाई जम्मु– कश्मीरको संविधानसभाले पारित गर्नुपर्ने उल्लेख छ ।