भदौमा एनओसीको निर्वाचन

काठमाडौं । नेपालमा आयोजना हुने १३ औं दणिण एसियाली खेलकुद ‘साग’ अघि नै नेपाल ओलम्पिक कमिटी ‘एनओसी’ मा नयाँ नेतृत्व आउने भएको छ ।

आजको ठिक महिनापछि एनओसी कार्यसमितिको निर्वाचन हुने भएको छ । एनओसीको सोमबार बसेको बोर्ड बैठकेले भदौं २० गते निर्वाचन गर्ने निर्णय गरेको छ । एनओसीका सहायक महासचिव राजीव श्रेष्ठका अनुसार अधिवक्ता लोकभक्त राणाको संयोजकत्वमा ३ सदस्यीय निर्वाचिन समिति गठन भएको छ ।

एनओसी बोर्ड बैठक अघि आजै बसेको विशेष साधारण सभाले १७ बाट १९ सदस्यीय गर्ने गरि विधान पास गरेको छ । १३ औं साग मंसिर १५ देखि २४ गते सम्म काठमाडौं र पोखरामा हुने तय छ ।