तरकारी र फलफूलमा गरियाे विषादीको सीमा निर्धारण !

काठमाडौं । नेपालमा पहिलो पटक फलफूल तथा तरकारीमा जिवनाशक विषादीको अधिकतम सीमा निर्धारण भएको छ ।

खाद्य प्रविधि तथा गुण नियन्त्रण विभागका अनुसार करेला, भन्टा, काउली, बन्दा, भिन्डी, आलु, गोलभेँडा र चियामा विषादी अवशेषको अधिकतम प्रयोग सीमा निर्धारण गरिएको छ ।फलफूलमा भने स्याउ र केरामा मात्र सीमा निर्धारण गरिएको छ ।

दैनिक प्रयोगमा तरकारी तथा फलफूलमा विषादी अवशेषको अधिकतम सीमा नेपालमा पहिलो पटक ताजा तरकारी तथा फलफूलमा विषादी अवशेषको अधिकतम सीमा निर्धारण गरिएको हो ।

जस अनुसार स्याउमा २७ ,केरामा ४२, करेलामा १, भण्टामा २१, बन्दामा ३६, काउलीमा १३, भिण्डीमा ३, आलुमा ७१, टमाटरमा ७३ तथा चियामा १९ प्रकारका विषादीको अधिकतम प्रयोग सीमा तोकिएको छ ।

विभागले थप १० प्रकारका फलफूल तथा तरकारीमा एमआरएल निर्धारणका लागि ड्राफ्ट तयार गरेको विभागका वरिष्ठ खाद्य अनुसन्धान अधिकृत एवं प्रवक्ता मोहनकृष्ण महर्जनले बताए ।