काठमाडौं । प्रदेश न ३ को विश्वकर्मा सुनचाँदी व्यवसायी संञ्जालले आफ्नो सिप तथा पेसालाई संरक्षण गर्न वृहत भेला गर्ने भएको छ ।

विश्वकर्माहरुको एकता, सुनचाँदी व्यवसायीमा एकरुपता र राष्ट्र निमार्णमा हाम्रो सहभागीता भन्ने मुल नाराका साथ व्यवसायीले साउन २५ शनिबार वृहत भेलाको आयोजना गरेको हो ।

विश्वकर्मा सुनचाँदी व्यवसायी प्रदेश न ३ ले आयोजना गरेको कार्यक्रममा युवा तथा खेलकुद मन्त्री मा. जगत बहादुर विश्वकर्मा प्रमुख अथितिको रहने आयोजकले जनाएको छ । कार्यक्रममा नेपाली कांग्रेसका नेता एवं पूर्वमन्त्री मिन विश्वकर्मा विशिष्ट अथितिको रुपमा रहने र साथै प्रदेशका सुनचाँदी व्यवसायीहरुको सहभागीता रहने भेला समितिका संयोजक राम प्रसाद लकान्दीले बताए ।

आगामी शनिबार बालुवाटारको डेलिस ओपेरा रेष्ट्रो एण्ड ब्याङकेटमा बिहान ११ बजे हुने कार्यक्रममा अहिले चर्चित गायक प्रकाश सपुतको बेजोड प्रस्तुति रहने भेला सम्पर्क समितिका रमेश रसाइलीले बताए ।

करिव एक बर्षअघि चितवनको नारायणघाटमा सुनचाँदी व्यवसायी अर्जुन रसाइली र प्रकाश गहतराज लगायतका व्यवसायीको सहकार्यमा गठन भएको विश्वकर्मा एकता सञ्जाललाई अहिले पूर्व मेचीदेखि पश्चिम महाकालीसम्म विस्तार गरिएको छ ।

भेला समितिका संयोजक लकान्दी भन्छन्,प्रदेश न २,५ र ७ मा प्रदेश सञ्जाल गठन भैइसकेको र प्रदेश न ४,३,१र ६ बाँकी रहेकाले यसैलाई विस्तार गर्न ३ नम्बर प्रदेशलाई ठूलो सहज हुने भएकाले भेलाको आयोजना गरिएको हो ।साथै भेलामा प्रदेश न ३ का १३ वटै जिल्लाका व्यवसायीहरुको सहभागीता रहने भएको छ ।

भेलामा पछिल्लो समय नेपाली बजारमा बढ्दै गइरहेको सुनचाँदीको भाउ ,विश्वकर्माले सुनचाँदी व्यवसायलाई कसरी संरक्षण गर्न सक्छन् र अब आधुनिक तरिकाले पेसा र सिपलाई कसरी अगाडी बढाउन सकिन्छ भन्ने विषयमा पनि छलफल हुने भेला सम्पर्क समितिका रमेश रसाइलीले बताए ।

नेपालबहससंग कुराकानी गर्दै रसाइली भन्छन, “म तपाईको यसै अनलाइन मार्फत आफ्नो पेसा र सिपको संरक्षण गर्न सम्पूर्ण विश्वकर्मा लगायत प्रदेश न ३ का सुनचाँदी व्यवसायीलाई सक्रिय सहिभागीताका लागी आग्रह गर्न चाहान्छु ।”

यो पनि पढ्नुस:

तीजको पूर्वसन्ध्यामा पनि सुनचाँदी पसल सुनसान, किन बढ्यो सुनको भाउ ?

नेपाली बजारमा सुनको भाउ इतिहाँसकै महङ्गो

सुन तोलाको ६७ हजार !

तीज नजिकिएसँगै सुनको मूल्य उच्च

सुनको मुल्य अहिलेसम्मकै उच्च, प्रतितोला ६५ हजार आठ सयमा कारोवार