नयाँ आर्थिक बर्ष लागेपछि निक्षेप र ऋण १६ अर्बले घट्यो

काठमाडौं। नयाँ आर्थिक बर्ष सुरु भएदेखि नै बाणिज्य बैंकहरुमा निक्षेप घट्न थालेको छ। असार मसान्तयता मात्रै १६ अर्ब रुपैयाँले घटिसकेको छ।

मसान्तमा २८ खर्ब ७८ अर्ब रुपैयाँबाट घटेर २८ खर्ब ६२ अर्ब रुपैयाँमा झरेको छ। ऋण लगानी पनि १६ अर्ब रुपैयाँले घटेको छ। २४ खर्ब ९८ अर्ब रुपैयाँको ऋण २४ खर्ब ८२ अर्ब रुपैयाँमा झरेको छ।
सरकारले विकास खर्च बढाइरहेको बताइरहँदा बैंकको निक्षेप तथा ऋण भने घटेको देखिएको हो। विदेशी मुद्राको निक्षेप पनि घट्न थालेको छ। एक सातामा मात्रै निक्षेप र ऋण ३र३ अर्ब रुपैयाँले घटेको छ।