आज देशैभर मौसम बदली

काठमाडौं । जल तथा मौसम पूर्वानुमानका कारण मुलुकभर शुक्रबार आज मौसम बदली हुने भएको छ । देशका धेरैजसो स्थानहरुमा आंशिकदेखि सामान्य बदली रहेर केही स्थानहरुमा मेघ गर्जन र चट्याङ्सहित हल्का देखि मध्यम वर्षा हुने मौसमविदले बताएका हुन् ।

मुलुकका पूर्वी भूभागका एकदुई स्थानहरूमा भने मेघ गर्जन र चट्याङ्सहित भारी वर्षा हुन सक्ने महाशाखाले जारी गरेको सूचनामा उल्लेख छ । रातिको मौसम पनि दिउँसोको जस्तै रहने उल्लेख गरिएको छ ।

यसैबिच, आज र भोली कर्णाली, महाकाली नदीहरुमा पानीको बहाव बढ्ने तर सतर्कताभन्दा तलै रहने बाढी पूर्वानुमान महाशाखाले गरेको छ ।

आज सिन्धुपाल्चोक, रसुवा, धादिङ, गोरखा, रोल्पा, प्युठान, सल्यान, रूकुम, कैलाली, कञ्चनपुर, डोटी, बैतडी, दार्चुला भई बहने केही साना नदीमा बहाव बढ्ने र केहीमा आकस्मिक बहावको संभावना रहेको महाशाखाले जनाएको छ ।