भारतीय कांग्रेस कार्यसमितिको बैठक बस्दै, होला त नयाँ अध्यक्षका लागी फैसला

एजेन्सी । भारतीय कांग्रेसको नयाँ अन्तरिम अध्यक्ष चुन्नका लागि दिल्लीमा कांग्रेस केन्द्रीय समिति बैठक बसिरहेको छ । यो बैठकमा राहुल गान्धी, सोनिया गान्धी र मनमोहन सिंह समेत कांग्रेसका शीर्ष नेताहरु सहभागी छन् ।बैठकमा नयाँ अध्यक्षका लागि सुझाव लिन पाँच सदस्यीय टिम गठन गरिएको थियो ।

जसमा सोनिया गान्धी र राहुल गान्धीको नाम पनि थियो । तर सोनिया गान्धीले यसमा असहमति जनाइन् ।उनले आफू र राहुल अध्यक्षको चुनावी प्रक्रियामा सहभागी हुन नसक्ने बताइन् । अहिले सोनिया र राहुल वर्किङ कमिटिको बैठकबाट बाहिर निस्केका छन् ।

अहिले बसिरहेको बैठक केहीबेरलाई स्थगित गरिएको छ अब अर्को बैठक अहिले केहीबेरमा ‘८ बजे राती’ सुरु हुने अन्तराष्ट्रिय समाचार संस्था एजेन्सीले जनाएको छ । प्राप्त समाचार अनुसार गान्धी परिवार कुनै यस्ता व्यक्तिलाई कांग्रेसको अध्यक्ष बनाउन चाहन्छ जसमा संगठन चलाउने अनुभव होस् ।

कांग्रेस कार्य समिति ‘सीडब्ल्यूसी’ को बैठकमा अध्यक्ष हुनका लागी राहुल गांधीलाई अनुरोध गरे पनि उनले अस्वीकार गरेका छन् । अहिले केही बेरमा बस्ने बैठकले पार्टीको लागी नयाँ अध्यक्ष चयन गर्ने अथवा कुनै ठोस एक निर्णय हुने संभावना रहेको छ ।